Клініка

У паняцця ёсць і іншыя значэнні, гл. Клініка (значэнні).

Клініка
Медыяфайлы на Вікісховішчы

Клініка (ад грэч. klinike, догляд за ляжачым хворым, лячэнне)^[1] — спецыялізаваная лячэбна-прафілактычная ўстанова, дзе лячэнне хворых спалучаецца з падрыхтоўкай, перападрыхтоўкай, павышэннем кваліфікацыі ўрачэбных кадраў і правядзеннем навуковых даследаванняў навуковымі, навукова-даследчымі інстытутамі і інстытутамі ўдасканалення ўрачоў.

Клінікай, або клінічнай карцінай называюць таксама сукупнасць праяўленняў хваробы.

Гісторыя

Першая клініка адкрыта ў горадзе Страсбур (Германія) у 1728 годзе, дзе ўрачы набывалі тэарэтычную і практычную медыцынскую падрыхтоўку.

На Беларусі

У БССР у 1930-я гады бальніцы і іншыя лячэбна-прафілактычныя ўстановы выкарыстоўваліся як вучэбныя базы медыцынскага факультэта БДУ і Інстытута ўдасканалення ўрачоў.

Клінікі ўваходзяць у склад медыцынскіх ВНУ ці навукова-даследчай ўстановы і функцыянуюць у Віцебску, Гомелі, Гродне, Мінску.

Крыніцы

1. Слоўнік іншамоўных слоў : у 2 т. / А. М. Булыка. — Мінск : БелЭн, 1999.  — Т. 1 : А—Л. — 1999. — С. . — 736 с. — ISBN 985-11-0152-4, С.659

Літаратура

• Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).