Конкурс песні Еўрабачанне 2014

Конкурс песні Еўрабачанне 2014
Дата
1-ы паўфінал	6 мая 2014
2-і паўфінал	8 мая 2014
Фінал	10 мая 2014
Правядзенне
Месца правядзення	Данія , Капенгаген, Залы «B&W»[1]
Вядучы(я)	Мікалай Копель, Пілоу Асбек, Лісэ Ронэ
Супервайзер	Ён Ола Санд
Тэлеканал гаспадароў	DR
Інтэрвал-акт	2-і паўфінал: Джэсіка Маўбай[2] Фінал: «Rainmaker» (у выкананні Эмілі дэ Форэст і 26 фіналістаў)[3]
Удзельнікі
Колькасць краін	37
Вяртанне	Польшча Партугалія
Адмовіліся ад удзелу	Балгарыя Кіпр Сербія Харватыя
Галасаванне
Сістэма галасавання	Кожная краіна дае 1-8, 10, 12 балаў 10 песням, якія набралі больш за ўсё балаў падчас галасвання тэлегледачоў і журы (50/50)
Пераможная песня	«Rise Like a Phoenix» (Аўстрыя)
Конкурс песні Еўрабачанне
◄2013 2015►

Конкурс песні Еўрабачанне 2014 (англ.: Eurovision Song Contest 2014; фр.: Concours Eurovision de la chanson 2014; дацк.: Det Europæiske Melodi Grand Prix 2014) — 59-ы конкурс песні «Еўрабачанне», які прайшоў у Даніі з 6 па 10 мая 2014 года. Данія стала краінай-пераможцай папярэдняга конкурсу «Еўрабачанне 2013», які праходзіў у Мальмё (Швецыя), дзе песняй-пераможцай стала «Only Teardrops» у выкананні спявачкі Эмілі дэ Форэст.

Пераможцам конкурсу стала прадстаўніца з Аўстрыі пад сцэнічным імем Канчыта Вурст. Конкурс вялі трое вядучых — Лісэ Ронэ, Мікалай Копель і Пілоу Асбек. Упершыню ў гісторыі конкурсу трыо вядучых складалася з двух мужчын і адной жанчыны.^[4] Гэта быў трэці раз, калі Данія прымала ў сябе конкурс, у апошні раз гэта здаралася ў 2001 годзе.

Трыццаць сем краін пацвердзілі свой удзел у конкурсе. 10 мая 2013 года падчас прэс-канферэнцыі арганізатараў у Мальмё, выканаўчы кіраўнік, Ён Ула Сан, адзначыў, што ён спадзяецца на вяртанне краін, якія не ўдзельнічалі ў конкурсе 2013 года, і што Еўрапейскі вяшчальны саюз (EBU) быў у абмеркаваннях з гэтымі краінамі ў дачыненні да іх патэнцыйнай даходнасці.^[5] Паўфіналы былі прызначаны на 6 і 8 мая 2014 года, а фінал прайшоў вечарам 10 мая 2014 года,^[6] нягледзячы на тое, што першапачаткова правядзенне конкурсу было запланавана на тыдзень пазней.^[7][8] Прычынай таго, што конкурс быў перанесены наперад на тыдзень, з'яўляецца зручнасць для гарадоў-кандыдатаў.^[6]

Капенгаген, Хернінг, Хорсенс, Фрэдэрысія і Ольбарг сталі пяццю гарадамі, якія падалі свае заяўкі на правядзенне конкурсу.^{[9][10][11][12]} Конкурс вяла дацкая нацыянальная тэлекампанія «DR», якую прызначыў Перніле Горба ў якасці выканаўчага прадзюсара для конкурсу 2014 года.^[13] У конкурсе 2014 можна таксама было ўбачыць вяртанне Валянціны Манеты, якая прадстаўляла Сан-Марына трэці год запар.^[14] Партугалія ў 2014 годзе прыняла рашэнне вярнуцца на конкурс пасля перапынку ў 2013 годзе.^[15] Польшча таксама абвясціла аб сваім вяртанні пасля перапынку ў два гады.^[16]

Члены дацкай каралеўскай сям'і, кронпрынц Фрэдэрык і яго жонка, кронпрынцэса Мэры прысутнічалі на фінале ў якасці гасцей .^[17][18]

Чарнагорыя і Сан-Марына ў першы раз выйшлі ў фінал конкурсу з часу іх дэбюту ў 2007 і 2008 гадах адпаведна.

Месца правядзення

Дацкі нацыянальны вяшчальнік DR 2 верасня 2013 года абвясціў аб тым, што конкурс песні Еўрабачанне 2014 пройдзе ў Капенгагене, у залах B & W, якія размяшчаюцца на плошчы «Рэфхалеёэн» на востраве Амагер.^[19] Яны ўяўляюць сабой стары прамысловы комплекс, які стаў найважнейшым культурным цэнтрам горада. Комплекс мае вялікія зачыненыя памяшканні. Капенгаген прэтэндуе на тое, што гэта месца адпавядае ўсім патрабаванням ЕВС. Па дадзеных арганізацыі, яго можна пакінуць у яго першапачатковым «сырым і прамысловым выглядзе».^[20]

Лозунг конкурсу — «Join Us», што азначае «Далучайцеся да нас».^[21] Гэты выбар быў ухвалены ЕВС і рэферэнтнай групай.

Фармат

Вядучыя конкурсу (злева направа): Мікалай Копель, Лісэ Ронэ і Пілоу Асбек

Конкурс складаўся з двух паўфіналаў і фіналу, гэта значыць у фармаце, які выкарыстоўваецца з 2008 года. Дзесяць краін з самымі высокімі баламі ў кожным паўфінале выйшлі ў фінал, дзе яны далучыліся да прымаючай краіны Даніі і да пяці асноўных краін-спонсараў (вядомым як «Вялікая пяцёрка») — Францыі, Германіі, Італіі, Іспаніі і Вялікабрытаніі.

Вядучыя

4 лютага 2014 года дацкі вяшчальнік «DR» абвясціў, што конкурс песні «Еўрабачанне 2014» будуць весці тры чалавекі — дацкія тэлевядучыя, Лісэ Ронэ і Мікалай Копель, а таксама дацкі акцёр Пілоу Асбек.^[22]

Змены ў правілах

20 верасня ЕВС сумесна з камандай Еўрабачання ўсталявалі новыя правілы для конкурсу песні Еўрабачанне 2014. Ён Ула Сан паведамляе, што правілы збіраюцца зрабіць больш адкрытымі, тым самым узмацніўшы іх. Сістэма галасавання не змянілася, галасаванне журы па-ранейшаму складае 50 % ад агульнага выніку кожнай краіны-удзельніцы.

Згодна з новымі правіламі, імёны ўсіх членаў журы будуць абвешчаныя яшчэ да пачатку конкурсу, як мяркуецца, 1 мая 2014 года. Пасля фіналу будуць апублікаваныя ўсе ацэнкі кожнага члена журы, а таксама вынікі галасавання кожнай краіны-удзельніцы. Змены закранулі і адбор членаў журы — адзін і той жа член журы будзе судзіць толькі раз у тры гады^[23][24].

Графічны дызайн

19 снежня 2013 года адбылася прэзентацыя тэмы дызайну конкурсу і самога лагатыпа. Сімвалам гэтага года стаў сіне-блакітны брыльянт.^[21][25]

Сцэна

Сцэна мела форму вялізнага брыльянта, як на лагатыпе, на які білі пражэктары, а таксама часам феерверкі зверху і дым знізу. Подыум сцэны быў уладкаваны ў выглядзе вялізнага медыйнага экрана, акружанага пражэктарамі і сопламі феерверкаў, якія блі ўверх у басейне, і ў які саскоквалі танцоры падчас некаторых шоў-выступленняў. На сцэне была ўсталяваная велізарная 40-тоная канструкцыя ў выглядзе вуглавога каркаса-лясоў са светлавых трубак з пражэктарамі ў вузлах, на канструкцыю праецыяваліся лазерна-светлавыя малюнкі. Усяго сцэна мела больш за 3000 агнёў і больш чым 1200 квадратных метраў святлодыёдных экранаў^[26].

Правядзенне

Лёсаванне

Размеркаванне на паўфіналы прайшло 20 студзеня 2014 года ў Капенгагене, дзе ў агульнай складанасці 28 краін былі падзелены на 2 паўфінала. Лёсаванне прайшло ў мэрыі Капенгагена.^[27][28] Краіны-ўдзельніцы, за выключэннем Швецыі, Нарвегіі і Ізраіля, у тым ліку і краіны «Вялікай пяцёркі», былі аўтаматычна размеркаваны на два паўфіналы і фінал, астатнія краіны былі падзеленыя на 6 кошыкаў.^[29][30]

Кошык 1	Кошык 2	Кошык 3	Кошык 4	Кошык 5	Кошык 6
Албанія Македонія  Чарнагорыя Славенія Швейцарыя	Эстонія Фінляндыя Ісландыя Латвія Літва	Азербайджан Беларусь Грузія Расія Украіна	Арменія Бельгія Грэцыя Ірландыя Нідэрланды	Аўстрыя Венгрыя Польшча Сан-Марына	Мальта  Малдова Партугалія Румынія

Крым

У канцы красавіка 2014 года, па вынікам падзей, якія адбыліся на Украіне і ў Крыму, Еўрапейскі вяшчальны саюз і дацкая тэлекампанія «DR» прынялі рашэнне, што вынікі тэлегаласавання ў рэгіёне будуць залічвацца як галасы ад Украіны — у сувязі ўкраінскай прыналежнасцю аператараў сувязі на паўвостраве.^[31][32]

Удзельнікі

24 лістапада рэферэнс-група абвясціла, што Швецыя і Нарвегія будуць удзельнічаць у розных паўфіналах. Гэта было зроблена для таго, каб забяспечыць справядлівае размеркаванне квіткоў у Скандынаўскім рэгіёне. Такім чынам, у Жэневе было прынята рашэнне, што Швецыя будзе ўдзельнічаць у першым паўфінале, а Нарвегія ў другім^[33].

Вяртанне

• Польшча — 5 снежня 2013 года стала вядома, што Польшча абвясціла аб сваім вяртанні пасля двухгадовага перапынку.^[16]
• Партугалія — 7 лістапада 2013 года вяшчальнік Партугаліі RTP абвясціў, што краіна вяртаецца на конкурс.^[15]

Адмова ад ўдзелу

•  Андора — Прадстаўнік нацыянальнага вяшчальнік заявіў, што Андора не вернецца на Еўрабачанне 2014 з-за недахопу сродкаў і маленькага бюджэту краіны^[34]. 
• Балгарыя — Нягледзячы на тое, што Балгарыя абвясціла пра свой удзел, 22 лістапада 2013, мясцовы тэлеканал BNT абвясціў аб сыходзе Балгарыі з конкурсу з-за скарачэння бюджэту і фінансавых прычын.^[35] 7 студзеня 2014 года балгарскі вяшчальнік, БНТ, афіцыйна пацвердзіў, што краіна не будзе прымаць удзел у конкурсе ў 2014 годзе^[36]. 
• Боснія і Герцагавіна — 18 лістапада 2013 года стала вядома, што Боснія і Герцагавіна вяртаецца на конкурс пасля аднаго года няўдзелу ў конкурсе.^[37] Аднак 18 снежня 2013 года было абвешчана, што Боснія і Герцагавіна не будзе прымаць удзел у сувязі з адсутнасцю спонсарства.^[38][39] 
• Люксембург — Галоўны выканаўчы дырэктар RTL Télé Lëtzebuerg Аліян Бервік заявіў, што Люксембург не вернецца на конкурс, спасылаючыся на фінансавыя цяжкасці і адсутнасць грамадскага цікавасці да конкурсу^[40][41]. 
• Марока — 11 верасня 2013 года мараканскі нацыянальны вяшчальнік, SNRT, заявіў, што ў іх няма намераў вяртацца на конкурс у наступным годзе. Такім чынам, Марока не будзе ўдзельнічаць у Даніі на конкурсе песні Еўрабачанне. І ўсё ж SNRT не выключае магчымасць аднойчы вярнуцца на конкурс, але ў цяперашні час гэта пакуль па-за планамі^[42]. 
• Манака — Манакскі вяшчальнік, «Télé Monte Carlo» (TMC), паведаміў сайту Esctoday.com, што краіна не вернецца на конкурс ў 2014 годзе^[43]. 
• Сербія — 22 лістапада 2013 года Сербія афіцыйна адмовілася ад удзелу ў конкурсе па фінансавых прычынах.^[44]
• Славакія — адмаўляецца вяртацца на конкурс у гэтым годзе. Прадстаўнік нацыянальнага вяшчальніка RTVS заяўляе: «Еўрабачанне за межамі нашых магчымасцяў». Да таго ж краіне ніколі не ўдавалася дамагчыся поспеху на конкурсе^[45][46]. 
• Харватыя — Харвацкі вяшчальнік HRT 19 верасня заявіў, што краіна не будзе ўдзельнічаць у конкурсе ў 2014 годзе, спасылаючыся на эканамічныя цяжкасці^[47][48][49]. 
•  Чэхія — З 2010 года Чэхія адмаўляецца ўдзельнічаць у конкурсе з-за няўдалых выступаў яе прадстаўнікоў. Прадстаўнік нацыянальнага вяшчальніка заявіў: «Мы сапраўды не плануем ўдзельнічаць у конкурсе Еўрабачанне. Нашай краіне не ўдавалася нават прайсці ў фінал, і да таго ж краіна не набірала больш за 9 ачкоў у паўфіналах за 3 разы ўдзелу ў конкурсе Еўрабачанне»^[50]. 
• Кіпр — Галоўны вяшчальнік Кіпра заявіў аб тым, што Кіпр адмаўляецца ўдзельнічаць на Еўрабачанні 2014. Прычына — фінансавы крызіс у краіне^[51]. 
• Турцыя — 7 лістапада 2013 вяшчальнік Турцыі TRT абвясціў, што яны не прымуць удзел у конкурсе 2014 з-за бягучай абстаноўкі. Прычынай такога рашэння стала зноў незадаволенасць увядзення змешанага журы / сістэмы тэлегаласавання і бягучага статусу «Вялікі пяцёркі».^[52]

Выканаўцы, якія ўжо ўдзельнічалі ў Еўрабачанні раней

Якія выступалі як паўнавартасныя выканаўцы

•  Расія: Сёстры Талмачовы (Дзіцячае Еўрабачанне 2006 — 1 месца)
• Румынія: Паула Селінг і Ові (Еўрабачанне 2010 — 4 месца ў паўфінале, 3 месца ў фінале)
• Сан-Марына: Валянціна Манета (Еўрабачанне 2012 — 14 месца ў паўфінале, Еўрабачанне 2013 — 11 месца ў паўфінале)

Якія выступалі як бэк-вакалісты

• Македонія: Ціяна Дапчэвіч (Еўрабачанне 2008, як бэк-вакалістка Тамары Тадэўскай (Македонія) — 10 месца ў паўфінале).

Першы паўфінал

У першым паўфінале галасуюць: Іспанія, Францыя, Данія. Сінім колерам пазначаныя краіны, якія прайшлі ў фінал.^[28]

№[53]	Краіна[54]	Мова	Выканаўца[55]	Песня[55]	Пераклад	Балы	Месца
01	Арменія	Англійская	Арам MP3	«Not Alone»	«Не адна»	121	4
02	Латвія	Англійская	«Aarzemnieki»	«Cake to Bake»^1	«Торт іспячы»	33	13
03	Эстонія	Англійская	Таня	«Amazing»	«Цудоўна»	36	12
04	Швецыя	Англійская	Сана Нільсэн	«Undo»	«Адмяніць»	131	2
05	Ісландыя	Англійская	«Pollapönk»	«No Prejudice»	«Без забабонаў»	61	8
06	Албанія	Англійская	Херсі	«One Night’s Anger»	«Гнеў ночы»	22	15
07	Расія	Англійская	«Сёстры Талмачовы»	«Shine»	«Ззяй»	63	6
08	Азербайджан	Англійская	Дыляра Кязімава	«Start a Fire»	«Запалі агонь»	57	9
09	Украіна	Англійская	Марыя Ярамчук	«Tick-Tock»	«Цік-так»	118	5
10	Бельгія	Англійская	Аксель Ірсу	«Mother»	«Маці»	28	14
11	Малдова	Англійская	Крысціна Скарлат	«Wild Soul»	«Дзікая душа»	13	16
12	Сан-Марына	Англійская	Валянціна Манета	«Maybe (Forse)»	«Можа быць»	40	10
13	Партугалія	Партугальская	Сузі	«Quero ser tua»	«Хачу быць тваёй»	39	11
14	Нідэрланды	Англійская	«The Common Linnets»	«Calm After the Storm»	«Зацішша пасля буры»	150	1
15	Чарнагорыя	Чарнагорская	Сяргей Чэткавіч	«Moj svijet» (Мој свијет)	«Мой свет»	63	7
16	Венгрыя	Англійская	Андраш Калаі-Сондэрс	«Running»	«Бегчы»	127	3

1.↑ Песня на англійскай мове, аднак яна мае некалькі фраз на латышскай мове.

Другі паўфінал

У другім паўфінале галасуюць: Германія, Італія, Вялікабрытанія. Сінім колерам пазначаныя краіны, якія прайшлі ў фінал.^[28]

№[53]	Краіна[54]	Мова	Выканаўца[56]	Мова[56]	Пераклад	Балы	Месца
01	Мальта	Англійская	«Firelight»	«Coming Home»	«Вяртанне дадому»	63	9
02	Ізраіль	Англійская, Іўрыт	Мей Файнгальд	«Same Heart»	«Тое ж сэрца»	19	14
03	Нарвегія	Англійская	Карл Эспен	«Silent Storm»	«Ціхі шторм»	77	6
04	Грузія	Англійская	«The Shin» і Марыка Эбралідзэ	«Three Minutes to Earth»	«Тры хвіліны да Землі»	15	15
05	Польшча	Польская, Англійская	Данатан і Клеа	«My Słowianie — We Are Slavic»	«Мы славяне»	70	8
06	Аўстрыя	Англійская	Канчыта Вурст	«Rise Like a Phoenix»	«Паўстану нібы Фенікс»	169	1
07	Літва	Англійская	Вілія Матачунайтэ	«Attention»	«Увага»	36	11
08	Фінляндыя	Англійская	«Softengine»	«Something Better»	«Нешта лепшае»	97	3
09	Ірландыя	Англійская	«Can-Linn» і Кейсі Сміт	«Heartbeat»	«Сэрцабіцце»	35	12
10	Беларусь	Англійская	Teo	«Cheesecake»	«Чызкейк»	87	5
11	Македонія	Англійская	Тыяна Дапчэвіч	«To the Sky»	«Да неба»	33	13
12	Швейцарыя	Англійская	Sebalter	«Hunter of Stars»	«Паляўнічы зорак»	92	4
13	Грэцыя	Англійская	«Freaky Fortune» і RiskyKidd	«Rise Up»	«Узлятай»	74	7
14	Славенія	Англійская, Славенская	Тынкара Ковач	«Round and Round»	«Зноў і зноў»	52	10
15	Румынія	Англійская	Паўла Селінг і Аві	«Miracle»	«Цуд»	125	2

Фінал

№[57]	Краіна[54]	Мова	Выканаўца[58]	Песня[58]	Пераклад	Балы	Месца
01	Украіна	Англійская	Марыя Ярамчук	«Tick-Tock»	«Цік-так»	113	6
02	Беларусь	Англійская	Teo	«Cheesecake»	«Чызкейк»	43	16
03	Азербайджан	Англійская	Дыляра Кязімава	«Start a Fire»	«Запалі агонь»	33	22
04	Ісландыя	Англійская	«Pollapönk»	«No Prejudice»	«Без забабонаў»	58	15
05	Нарвегія	Англійская	Карл Эспен	«Silent Storm»	«Ціхі шторм»	88	8
06	Румынія	Англійская	Паўла Селінг і Аві	«Miracle»	«Цуд»	72	12
07	Арменія	Англійская	Арам MP3	«Not Alone»	«Не адна»	174	4
08	Чарнагорыя	Чарнагорская	Сяргей Чэткавіч	«Moj svijet» (Мој свијет)	«Мой свет»	37	19
09	Польшча	Польская, Англійская	Данатан і Клеа	«My Słowianie — We Are Slavic»	«Мы славяне»	62	14
10	Грэцыя	Англійская	«Freaky Fortune» і RiskyKidd	«Rise Up»	«Узлятай»	35	20
11	Аўстрыя	Англійская	Канчыта Вурст	«Rise Like a Phoenix»	«Паўстану нібы Фенікс»	290	1
12	Германія	Англійская	«Elaiza»	«Is It Right»	«Правільна ці гэта»	39	18
13	Швецыя	Англійская	Сана Нільсэн	«Undo»	«Адмяніць»	218	3
14	Францыя	Французская	«TWIN TWIN»	«Moustache»^2	«Вусы»	2	26
15	Расія	Англійская	«Сёстры Талмачовы»	«Shine»	«Ззяй»	89	7
16	Італія	Італьянская	Эма Маронэ	«La mia città»	«Мой горад»	33	21
17	Славенія	Англійская, Славенская	Тынкара Ковач	«Round and Round»	«Зноў і зноў»	9	25
18	Фінляндыя	Англійская	«Softengine»	«Something Better»	«Нешта лепшае»	72	11
19	Іспанія	Іспанская, Англійская	Рут Ларэнса	«Dancing in the Rain»	«Танцуючы пад дажджом»	74	10
20	Швейцарыя	Англійская	Sebalter	«Hunter of Stars»	«Паляўнічы зорак»	64	13
21	Венгрыя	Англійская	Андраш Калаі-Сондэрс	«Running»	«Бегчы»	143	5
22	Мальта	Англійская	«Firelight»	«Coming Home»	«Вяртанне дадому»	32	23
23	Данія	Англійская	Басім	«Cliche Love Song»	«Клішэ песні пра каханне»	74	9
24	Нідэрланды	Англійская	«The Common Linnets»	«Calm After the Storm»	«Зацішша пасля буры»	238	2
25	Сан-Марына	Англійская	Валянціна Манета	«Maybe (Forse)»	«Можа быць»	14	24
26	Вялікабрытанія	Англійская	Молі Смітэн-Даўнс	«Children of the Universe»	«Дзеці Сусвету»	40	17

2.↑ Песня на французскай мове, аднак яна мае некалькі фраз на англійскай і іспанскай мовах.

Злева направа: Канчыта Вурст, пераможца конкурсу песні «Еўрабачанне 2014» (Аўстрыя); The Common Linnets, 2-е месца (Нідэрланды); Сана Нільсэн, 3-е месца (Швецыя)

Зноскі

1. Copenhagen announced as host city of Eurovision 2014 (нявызн.). Eurovision.tv. Праверана 2 September 2013.
2. Australian superstar to sing at Eurovision (англ.). eurovision.tv. Праверана 25 сакавіка 2014.
3. Emmelie to sing #JoinUs song with finalists (нявызн.). Праверана 7 February 2014.
4. Siim, Jarmo. http://www.eurovision.tv/page/news?id=koppel_asbaek_rnne_to_host_eurovision_2014 (нявызн.). eurovision.tv (4 февраля 2014 года). Праверана 30 апреля 2014 года.
5. Roxburgh, Gordon. The 2013 organisers press conference (нявызн.). eurovision.tv (10 мая 2013 года). Праверана 30 April 2014.
6. Siim, Jarmo. Eurovision 2014 grand final set for 10 May (нявызн.). eurovision.tv (8 июля 2013 года). Праверана 30 April 2014.
7. Siim, Jarmo. Malmö: Updates about the contest (нявызн.). eurovision.tv (18 марта 2013 года). Праверана 30 April 2014.
8. Gripper, Ann. When is Eurovision 2014? The early song contest information (нявызн.). Daily Mirror (19 мая 2013 года). Праверана 30 April 2014.
9. Jiandani, Sanjay. Denmark: Copenhagen and Herning bid to host Eurovision 2014 (нявызн.). esctoday (21 мая 2013 года). Праверана 30 April 2014.
10. Bygbjerg, Søren. Kampen er i gang: De vil være værtsbyer for Eurovision 2014 (дацк.). Danmarks Radio (20 мая 2013 года). Праверана 30 April 2014.
11. Jiandani, Sanjay. Denmark: Aalborg to enter host city race? (нявызн.). ESCToday.com (22 мая 2013 года). Праверана 30 April 2014.
12. Nu vil Fredericia også have Eurovision til byen (дацк.). Reuters. Danmarks Radio (22 мая 2013 года). Праверана 30 April 2014.
13. Storvik-Green, Simon. Executive Producer appointed for Eurovision 2014 (нявызн.). eurovision.tv (21 мая 2013 года). Праверана 30 April 2014.
14. Storvik-Green, Simon. Valentina Monetta to represent San Marino in 2014 (нявызн.). European Broadcasting Union. eurovision.tv (19 июня 2013 года). Праверана 30 April 2014.
15. Siim, Jarmo. Portugal: RTP confirms participation in Eurovision 2014 (англ.) (7 лістапада 2013). Праверана 7 лістапада 2013.
16. Eurovision 2014: TVP will participate in Copenhagen (нявызн.). ESCToday. Праверана 5 December 2013.
17. Prince Frederik and Princess Mary will attend the 2014 Eurovision Song Contest (нявызн.). hellomagazine.com. Праверана 30 April 2014.
18. Princess Mary to attend Eurovision (нявызн.)(недаступная спасылка). Yahoo. Архівавана з першакрыніцы 2 мая 2014. Праверана 30 April 2014.
19. "Стал известен город проведения «Евровидения-2014»". Lenta.ru. 2013-09-02. Праверана 2013-09-24.
20. Four cities submit bids to host Eurovision 2014 (нявызн.). Архівавана з першакрыніцы 29 чэрвеня 2013. Праверана 19 красавіка 2014.
21. Eurovision 2014 slogan revealed: 'Join Us'!
22. Siim, Jarmo. Koppel, Asbæk, Rønne to host Eurovision 2014 (англ.). Eurovision.tv (4 лютага 2014). Праверана 4 лютага 2014.
23. "Правила «Евровидения» ужесточили". Lenta.ru. 2013-09-23. Праверана 2013-09-24.
24. Siim, Jarmo. Jon Ola Sand: "We will always do our utmost to secure a fair result" (англ.) (20 верасня 2013). Праверана 21 верасня 2013.
25. Presenting: Theme Art of Eurovision 2014 (нявызн.). Праверана 19 December 2013.
26. «Diamond» stage for Eurovision 2014 almost complete
27. Eurovision 2014: Semi-finals allocation draw on 20 January (нявызн.). esctoday.com (13 студзеня 2014). Праверана 13 студзеня 2014.
28. Allocation Draw results: Who's in which Semi-Final? (нявызн.). eurovision.tv (20 студзеня 2014). Праверана 20 студзеня 2014.
29. Spænding: Så skal der trækkes lod mellem Grand Prix-landene (нявызн.) (13 января 2014 года). Праверана 13 January 2014.
30. Eurovision 2014: Countries distributed in 6 pots (нявызн.) (15 января 2014 года). Праверана 15 January 2014.
31. Ukraine: Crimea to Vote as Ukraine (нявызн.). eurovisiontimes (30 апреля 2014 года). Праверана 30 April 2014.
32. BREAKING NEWS: DR SAYS CRIMEA IS UKRAINIAN (нявызн.)(недаступная спасылка). oikotimes (30 апреля 2014 года). Архівавана з першакрыніцы 2 мая 2014. Праверана 30 April 2014.
33. Siim, Jarmo. Sweden and Norway drawn into Semi-Finals (англ.). Eurovision.tv (24 лістапада 2013). Праверана 25 лістапада 2013.
34. Andora will not return to Eurovision 2014
35. «Bulgaria: BNT will not participate in Copenhagen»
36. Granger, Anthony. Bulgaria: Officially Not Participating (англ.). Eurovoix (7 студзеня 2014). Праверана 8 студзеня 2014.
37. «Bosnia Herzegovina: BHRT confirms participation in Copenhagen»
38. Bosnia and Herzegovina: BHRT not taking part in 2014 (нявызн.)(недаступная спасылка). Архівавана з першакрыніцы 19 снежня 2013. Праверана 18 снежня 2013.
39. Eurovision 2014: Bosnia & Herzegovina will not compete in Copenhagen (нявызн.). Праверана 19 снежня 2013.
40. Luxembourg: Is there ever any hope of a return to Eurovision?
41. Luxembourg: RTL will not return to Eurovision in 2014
42. Jiandani, Sanjay. Morocco: SNRT will not return to Eurovision in 2014 (нявызн.). ESCToday (11 верасня 2013). Праверана 11 верасня 2013.
43. Jiandani, Sanjay. Monaco: TMC will not return to Eurovision in 2014 (нявызн.). ESCToday (17 верасня 2013). Праверана 17 September 2013.
44. «Eurovision 2014: Serbia will not participate in Copenhagen»
45. Slovensko nebude na Eurovízii ani v roku 2014
46. Granger, Anthony. Slovakia: No To 2014 (англ.). Eurovoix (1 верасня 2013). Праверана 1 верасня 2013.
47. "HRT ne ide na Eurosong 2014. godine". HRT(харв.). Архівавана з арыгінала 29 ліпеня 2021. Праверана 2013-09-19.
48. Knezevic, Marko (2013-09-19). "HRVATSKA NEĆE IĆI NA EUROSONG 2014. 'Odustajemo zbog krize i slabih plasmana'". Jutarnji.hr(харв.). Архівавана з арыгінала 21 верасня 2013. Праверана 2013-09-19.
49. "Хорватия отказалась от участия в «Евровидении»". Lenta.ru. 2013-09-19. Праверана 2013-09-19.
50. Czech Republic: No participation in 2014 Архівавана 7 чэрвеня 2013.
51. Cyprus will not participate in Copenhagen
52. Turkey: TRT will not participate in Eurovision 2014
53. Running order for Eurovision Semi-Finals decided (нявызн.). eurovision.tv. European Broadcasting Union. Праверана 24 March 2014.
54. Slovenia joins Eurovision 2014, Semi-Final Allocation Draw on Monday (нявызн.). Eurovision.tv. Праверана 18 March 2014.
55. Eurovision Song Contest 2014 First Semi-Final (нявызн.). eurovision.tv (5 февраля 2014 года). Праверана 18 March 2014.
56. Eurovision Song Contest 2014 Second Semi-Final (нявызн.). eurovision.tv (5 февраля 2014 года). Праверана 18 March 2014.
57. Running order for the Grand Final revealed! (нявызн.). Eurovision.tv (9 мая 2014). Праверана 9 May 2014.
58. Eurovision Song Contest 2014 Grand Final (нявызн.). eurovision.tv (5 февраля 2014 года). Праверана 18 March 2014.

Спасылкі

• На Вікісховішчы ёсць медыяфайлы па тэме Конкурс песні Еўрабачанне 2014
• Афіцыйны сайт (англ.)