Красацел даследчык

Красацел даследчык
Навуковая класіфікацыя
прамежныя рангі Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Жукі Падатрад:  Adephaga Надсямейства:  Карабоідныя Сямейства:  Жужалі Падсямейства:  Carabinae Трыба:  Carabini Падтрыба:  Calosomatina Род:  Красацелы Падрод:  Calosoma (Calosoma) Від:  Красацел даследчык
Міжнародная навуковая назва
Calosoma investigator Illiger, 1798
Сістэматыка на Віківідах Выявы на Вікісховішчы EOL   3463764

Гэты від занесены ў Чырвоную кнігу Беларусі і ахоўваецца законам. IV катэгорыя (NT)

Красацел даследчык, або красацел чорны (Calosoma investigator) — насякомае атраду цвердакрылыя (Coleoptera), сямейства жужалі (Carabidae).

Апісанне

Даўжыня жука 16-27 мм. Афарбоўка чорная, зверху часта бронзавая або зеленаватая. Паміж радамі буйных залацістых ямак на надкрылах можна заўважыць 5-7 няправільных радоў дробных зярнятак.

Арэал

Паўночна-Усходняя Еўропа (вядомы таксама з Швецыі), Сібір. У Беларусі знойдзены ў паўднёвых раёнах (на Палессі). Месцы пражывання: часцей за ўсё палі і лугі; на пясчанай і супясчанай глебе.

Асаблівасці біялогіі

Мезаксерафіл. Актыўны ўначы. Днём хаваецца ў сховішчах. Трапляецца з мая па кастрычнік. Корміцца ў асноўным вусенямі лугавога матылька, коканапрадаў, совак і пядзенікаў. Генерацыя аднагадовая.

Літаратура

• Чырвоная кніга Рэспублікі Беларусь: Рэдкія і тыя, што знаходзяцца пад пагрозай знікнення віды жывёл і раслін. Мінск: Беларуская Энцыклапедыя, 1993. ISBN 5-85700-095-5