Красыліў

Горад Красыліў укр.: Красилів Герб^[d] Сцяг^[d] Краіна  Украіна Вобласць Хмяльніцкая вобласць Раён Красыліўскі раён Каардынаты 49°39′03″ пн. ш. 26°58′00″ у. д.^HGЯO Першая згадка 1444 Горад з 1964 Плошча 28 км² Вышыня цэнтра 291 ± 1 м Насельніцтва 18300 чалавек (2022) Часавы пояс UTC+2, летам UTC+3 Тэлефонны код +380-3842 Паштовы індэкс 31000 КААТУУ 6822710100 Афіцыйны сайт krasyliv-rada.gov.ua Красыліў на карце Украіны ±

Медыяфайлы на Вікісховішчы

Красыліў^[1] (укр.: Красилів) — горад у Красыліўскім раёне Хмяльніцкай вобласці Украіны на рацэ Случ, раённы цэнтр.

Гісторыя

Першая пісьмовая згадка пра Красыліў захавалася ў акце ад 16 студзеня 1444 г., па якім вялікі літоўскі князь Свідрыгайла падаваў свайму васалу Міхаілу Аляхновічу за яго верную службу ў валоданне вёскі Крэмэнэцькага павета, у тым ліку Красыліў. Хоць сярод даследчыкаў называецца яшчэ адна дата — 1437 г. Гаворка ідзе пра іншую грамату таго ж князя, даную Міхаілу Аляхновічу.

На працягу 1497—1620 гг. Красыліў быў уласнасцю Астрожскіх. У гэты час засноўваецца Красыліўскі замак. У валоданні князёў Астрожскіх Красыліў знаходзіўся да 1620 г., потым пераходзіць спачатку да князёў Заслаўскіх, потым да Любамірскіх, затым да Сангушкаў.

З 1753 г. Красыліў з больш чым 30 іншымі сёламі і мястэчкамі перайшоў у валоданне мсціслаўскага ваяводы Ігнацыя Сапегі. На пераломе XVIII-ХIX ст. спадчыннікам маёнтку, да якога ў той час належала толькі 18 сеў, быў яго ўнук Мікалай Сапега — палкоўнік французскіх войскаў і камергер Напалеона. Мікалай заснаваў у мястэчку касцёл (1820—1830 гг.). Пасля Мікалая Сапегі маёнтак атрымала ў спадчыну адна з яго дачок — Ідалія, якая ў 1837 г. абвянчалася з Канстанцінам Чорбай.

У канцы XIX ст. тут пражывала каля 60 адсоткаў украінцаў і 40 — габрэяў.

7 сакавіка 1923 года Красыліў стаў цэнтрам раёна УССР.

Вядомыя асобы

• Ян Ксаверый Канеўскі (1805—1867) — польскі мастак
• Віктар Панцялеевіч Кудзін (нар. 1952) — спецыяліст у галіне антэн, ЗВЧ устройстваў і іх тэхналогій.

Зноскі

1. Напісанне ў адпаведнасці з ТКП 177-2009 (03150) «Спосабы і правілы перадачы геаграфічных назваў і тэрмінаў Украіны на беларускую мову»

Спасылкі

• На Вікісховішчы ёсць медыяфайлы па тэме Красыліў