Кустода

У правай частцы ніжняга поля можна ўбачыць кустоду

Кустода — слова, размешчанае на ніжнім полі старонкі, якое дублюе першае слова на наступнай. Выкарыстоўвалася ў старых кнігах для таго, каб дапамагчы пераплётчыку  (польск.) размясціць старонкі і сшыткі  (руск.) ў правільным парадку^[1].

Упершыню кустоды з’явіліся ў сярэднявечных рукапісах. Выкарыстоўваліся і ў друкаваных кнігах канца XV стагоддзя. Найбольш часта сустракаюцца ў кнігах XVI стагоддзя. У канцы XVIII стагоддзя, у сувязі са зменамі ў тэхналогіях кнігадрукавання, кустоды зніклі з кніжных старонак.

Аб іншай функцыі кустоды пісаў Тэадор Лоў дэ Він  (англ.) у даведніку «Правільная кампазіцыя» (Correct Composition; 1901)^[2]:

Больш за тры стагоддзі друкары змяшчалі на ніжнім полі кожнай старонкі першае слова або першы склад наступнага. Кустода павінна была дапамагаць чытачу, робячы больш зразумелай сувязь паміж дзвюма старонкамі; але цяпер кустод няма, і вяртаць іх ніхто не патрабуе.

Калонтытулы ў сучасных даведніках і слоўніках падобныя з кустодай і, верагодна, вядуць ад яе сваё паходжанне, але выконваюць іншую ролю: палягчаюць пошук слова ў кнізе.

Зноскі

1. Кустода // Стефанов С. И. Реклама и полиграфия: опыт словаря-справочника.— М.: Гелла-принт, 2004. — 320 с: ил. — (Рекламные технологии).
2. De Vinne, Theodore Low (1901). The Practice of Typography: Correct Composition: A Treatise on Spelling Abbreviations, the Compounding and Division of Words, the Proper Use of Figures and Numerals, Italic and Capital Letters, Notes, Etc., With Observations on Punctuation and Proof-Reading (Second ed.). New York: The Century Company. p. 142–143.

Бібліяграфія

• De Hamel, Christopher  (англ.). Scribes and Illuminators. Toronto: University of Toronto Press, 1992. 41.
• De Vinne, Theodore Low (1901). The Practice of Typography: Correct Composition: A Treatise on Spelling Abbreviations, the Compounding and Division of Words, the Proper Use of Figures and Numerals, Italic and Capital Letters, Notes, Etc., With Observations on Punctuation and Proof-Reading (Second ed.). New York: The Century Company. Low. The Practice of Typography: Correct Composition: A Treatise on Spelling Abbreviations, the Compounding and Division of Words, the Proper Use of Figures and Numerals, Italic and Capital Letters, Notes, Etc., With Observations on Punctuation and Proof-Reading. — New York: The Century Company, 1901.
• Gaskell, Philip  (англ.). A New Introduction to Bibliography. Oxford: Clarendon Press, 1972. 52-53.
• McKerrow, Ronald B.  (англ.) An Introduction to Bibliography for Literary Students. Oxford: Clarendon Press, 1964. 82.
• Roberts, Matt T., and Don Etherington, Bookbinding and the Conservation of books: A Dictionary of Descriptive Terminology