Ламбет (бора)

Ламбет
Герб
Краіна	Вялікабрытанія
Уваходзіць у	графства Вялікі Лондан
Адміністрацыйны цэнтр	Ламбет^[d]
Дата ўтварэння	1 красавіка 1965
Кіраўнік	Lib Peck^[d]
Насельніцтва	▼316 812 чал. (2022)[2]
Плошча	26,8101 км² (2016)[1]
Часавы пояс	UTC+0 і UTC+1
Код ISO 3166-2	GB-LBH
Тэлефонны код	020
Паштовыя індэксы	SE і SW
Афіцыйны сайт
Медыяфайлы на Вікісховішчы

Начны Ламбет

Ламбет (Lambeth) — бора Лондана, размешчаны на паўднёвым беразе Тэмзы, уверх па цячэнню ад Саўтварка, насупраць Вэстмінстэрскага палаца. З Мілбанкам яго злучае Ламбецкі мост, а з Вэстмінстэрам — мост Ватэрлоа, а на набярэжнай стаіць аднайменны вакзал, адкуль адыходзяць цягнікі ў Еўропу. Адсюль паходзіць нефармальная назва Ламбета — Ватэрлоа (Waterloo).

Гісторыя Ламбета цесна пераплецена з імёнамі архібіскупаў Кентэрберыйскіх — тут размешчана іх галоўная рэзідэнцыя, Ламбецкі палац. Да 1889 года Ламбет як вёска ў складзе графства Сурэй знаходзіўся па-за межамі горада. Тым не менш шырокую вядомасць атрымалі тутэйшыя паркі для гулянняў — у Кенінгтоне (з 1724 года тут праводзяцца крыкетныя матчы) і Воксхал (ад яго паходзіць беларускае слова «вакзал»).

Апроч пампезнага адміністрацыйнага комплексу Каўнці-хол і гістарычнай бальніцы Св. Фамы, у лік славутасцяў Ламбета ўваходзяць Каралеўская фестывальная зала 1951 года пабудовы, Каралеўскі нацыянальны тэатр спрэчнай бруталісцкай архітэктуры (прынц Чарлз заве яго «бясформавай грудай бетону» і «атамнай станцыяй у цэнтры Лондана») і гіганцкае кола агляду «Лонданскае вока».

Зноскі

1. https://ons.maps.arcgis.com/home/item.html?id=a79de233ad254a6d9f76298e666abb2b
2. https://www.ons.gov.uk/peoplepopulationandcommunity/populationandmigration/populationestimates/datasets/estimatesofthepopulationforenglandandwales