Лінейны карабель

«Дрэдноўт» — родапачынальнік класа лінко́раў.

Ліне́йны карабе́ль[1], скарочана лінко́р[2][1] або лінка́р[3] — клас браніраваных артылерыйскіх караблёў водазмяшчэннем 20—70 тысяч тон, даўжынёй 150—280 м, узброеных гарматамі галоўнага калібра 280—460 мм, з экіпажам 1500—2800 чалавек.

Лінко́ры ўжываліся ў XX стагоддзі для знішчэння караблёў праціўніка ў складзе баявога злучэння і артылерыйскай падтрымкі сухапутных аперацый. Быў эвалюцыйным развіццём браняносцаў другой паловы XIX стагоддзя.