Макарон

Макарон
Макароны па-парыжску (ванільны смак)
Макароны па-парыжску (ванільны смак)
Краіна паходжання
Аўтар Італьянскі шэф-повар каралевы Кацярыны Медычы
Кампаненты
Асноўныя Пячэнне: яечны бялок, цукровая пудра, цукровы пясок, міндальны парашок, харчовыя фарбавальнікі
Начынка: масляны крэм, топленныя сліўкі, ганаш або варэнне
Падача
Тып стравы Кандытарская прадукцыя
Лагатып Вікісховішча Медыяфайлы на Вікісховішчы

Макаро́н (фр.: macaron, /makaʁɔ̃/) — французскі кандытарскі выраб з яечных бялкоў, цукру і молатага міндаля.[1] Звычайна робіцца ў форме пячэння; паміж двума пластамі кладуць крэм або варэнне. Італьянская назва італ.: maccarone/maccherone паходзіць ад слова італ.: ammaccare — «разбіць, раздушыць», і з’яўляецца адсылкай да спосабу вырабу асноўнага інгрэдыента, міндальнай мукі.[2] Гатовы выраб мяккі, з гладкай паверхняй, растае ў роце. Маюць розны смак.

Пра паходжанне ласунку ідуць спрэчкі. Larousse Gastronomique адзначае, што макароны, хутчэй за ўсё, маюць італьянскае паходжанне і, верагодна, былі створаны ў Венецыі ў эпоху Адраджэння. Па іншай версіі, макароны з’явіліся ў Францыі, у Кармеры, прычым значна раней — у 791 годзе.[3] Згодна з іншымі крыніцамі, ласунак у Францыю прывезлі італьянскія кухары, якія прыехалі з Кацярынай Медычы пасля заключэння яе шлюбу з Генрыхам II.[4]

У 1830-я гады макароны падавалі з лікёрамі, джэмам і спецыямі, а ў сучасным выглядзе яны з’явіліся ў кандытарскай Ladurée, дзе прыдумалі злучаць два печыва паміж сабой з дапамогай крэма.[5][6] У цэлым, рэцэпт адрозніваецца ў розных гарадах Францыі; напрыклад у Ам’ене з XVI стагоддзя выкарыстоўваюцца садавіна, міндаль і мёд[7], а ў латарынгскім горадзе Нансі, па легендзе, дзве манашкі, сёстры Маргарыта і Мары-Элізабет, прыдумалі макароны, каб перахітрыць строгія манастырскія дыетычныя правілы (за што былі празвалі «сёстрамі Макарон»).[8]

Макароны прадаюцца ў французскім McDonald’s[9]; з 2010 года гэта печыва зрабілася вельмі папулярным дэсертам у ЗША, дзе яго нават пачалі выкарыстоўваць у якасці самастойнага велікоднага падарунка замест традыцыйных шакаладных фігурак[10][11], і ў Канадзе[12]; іх версія вядомая ў Японіі.[13]

Зноскі

  1. ↑ Macaron // Petit Larousse illustré. — Larousse, 1989. — P. 585. — 1680 p. — ISBN 2-03-301189-5.
  2. ↑ Search result on macaroon, Etymonline.com
  3. ↑ Larousse gastronomique 2007.
  4. ↑ History of Macarons Архівавана 5 лютага 2009., Madmacnyc.com
  5. ↑ The story of the Macaron Архівавана 4 ліпеня 2010., Laduree.fr
  6. ↑ Macarons, the Daddy Mac of Cookies Архівавана 8 сакавіка 2012., Fox News
  7. ↑ Macarons d’Amiens Архівавана 18 ліпеня 2011., Saveursdumonde.net
  8. ↑ Notre Histoire Maison des soeurs Архівавана 23 кастрычніка 2014., Achat-nancy.com
  9. ↑ "Mon Dieu! Will Newfound Popularity Spoil the Dainty Macaron?". The Wall Street Journal. 2010-03-02. Праверана 2010-12-29.
  10. ↑ "Macarons: New to The Easter Parade This Year". Los Angeles Times. 2010-04-01. Праверана 2010-12-29.
  11. ↑ "Move Over, Cupcake: Make Way For The Macaroon". NPR. 2010-02-12. Праверана 2010-12-29.
  12. ↑ "Macaron mania hits Montreal — finally!". The Gazette (Montreal). 2008-10-11. Архівавана з арыгінала 2012-11-09. Праверана 2010-12-29. {{cite news}}: no-break space character у |title= на пазіцыі 28 (даведка) Архіўная копія. Архівавана з першакрыніцы 9 лістапада 2012. Праверана 10 мая 2021.
  13. ↑ ジャン=フィリップ・ダルシー「夏の新作マカロン」 Архівавана 17 сакавіка 2012 года., Fukui News

Літаратура

[правіць | правіць зыходнік]
  • Le Grand Larousse gastronomique / Isabelle Jeuge-Maynart. — Larousse, 2007. — P. 513. — ISBN 978-2-03-582360-1.

Спасылкі

[правіць | правіць зыходнік]