Мальва лясная

Мальва лясная
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя[1] Клас:  Двухдольныя[2] Парадак:  Мальвакветныя Сямейства:  Мальвавыя Падсямейства:  Malvoideae Трыба:  Malveae Род:  Мальва Від:  Мальва лясная
Міжнародная навуковая назва
Malva sylvestris L., 1753
Сістэматыка на Віківідах Выявы на Вікісховішчы ITIS   21840 NCBI   145754 EOL   584656 GRIN   t:23307 IPNI   561932-1 TPL   kew-2504118

Ма́льва лясная^[3][4] (Malva sylvestris) — расліна сямейства Мальвавыя (Malvaceae), від роду Мальва (Malva).

Назва

Мальва лясная, мальва^[5], рожа лясная^[6], мальва маўрытанская^[7]

Біялагічнае апісанне

Malva sylvestris. Батанічная ілюстрацыя з кнігі «Köhler’s Medizinal-Pflanzen», 1887

Гэта двухгадовая травяністая расліна вышынёй 30—120 см. Сцябло прамое, у асноўным галінастае, звычайна пакрытае рассеянымі валасінкамі.

Лісце на доўгіх хвосціках, па краях гародчата-зубчастае, з круглявымі пяці—сямілопасцевымі пласцінкамі. Прылісткі ланцэтападобныя, бледна-зялёныя, па краях доўгарасніцавыя^[8].

Кветак звычайна некалькі (часам адна). Яны знаходзяцца ў пазухах лісця. Подчашша складаецца з даўгавата-авальных лісточкаў, па краях расніцавых. Чашачка амаль да сярэдзіны падзелена на трохкутныя долі, паблізу некалькі пладоў разрастаецца. Вяночак ружовага колеру. Ён у 3-4 разы больш чашачкі, пялёсткі даўжынёй да 2,5 см, зваротнаяйкападобныя, глыбокавыемкавыя.

Формула кветкі: ${\displaystyle \ast K_{3+(5)}\;C_{5}\;A_{\infty }\;G_{({\underline {\infty }})}}$^[9].

Плады састаўныя, складаюцца з 10—13 голых, на спінках сеткава-маршчыністых плодзікаў.

Распаўсюджанне і экалогія

Расліна расце ў лясах і светлых парках, часам як пустазелле. Арэал віду ўключае ў сябе паўднёвую палову Еўрапейскай часткі Расіі, Крым, Каўказ, Сярэднюю Азію, Заходнюю Еўропу, Паўночную Афрыку, Малую Азію, Паўднёва-Заходнюю Індыю.

Выкарыстанне

Гэта расліна культывавалася з глыбокай старажытнасці егіпцянамі, грэкамі і рымлянамі. На Каўказе яе да гэтага часу ўжываюць у ежу.

Зноскі

1. Ужываецца таксама назва Пакрытанасенныя.
2. Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
3. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 81. — 160 с. — 2 350 экз.
4. Мальва // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10). — С. 43.
5. З. Верас. Беларуска-польска-расейска-лацінскі ботанічны слоўнік. — Вільня, Субач 2: Выданне газеты «Голас беларуса», Друкарня С. Бэкэра, 1924.
6. Чоловский К. Опыт описания Могилевской губернии. По программе и под редакцией А. С. Дембовецкого, кн. I. Могілев.
7. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 81. — 160 с. — 2 350 экз. — у крыніцы пад назвай Malva mauritiana L.
8. http://www.cnshb.ru/AKDiL/0046/base/k0450001.shtm
9. {{{загаловак}}}. — 2006. — ISBN 5-7695-2656-4.

Спасылкі

• Просвирник лесной — Malva sylvestris: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Malva sylvestris L. Архівавана 10 ліпеня 2013. (англ.) // The Plant List