Малібдэніт

У паняцця ёсць і іншыя значэнні, гл. Дысульфід малібдэна.

Малібдэніт
Формула	MoS2
Прымесь	Re, Se
Сінгонія	Гексаганальная
Колер	Свінцова-шэры, у парашку зелянявы
Колер рысы	Свінцова-шэры
Бляск	Металічны
Празрыстасць	Непразрысты
Цвёрдасць	1 - 1,5
Спайнасць	Ідэальная па {0001}
Шчыльнасць	4,6 -5,0 г/см³

Малібдэніт MoS₂ — мяккі свінцова-шэры мінерал з тлустым металічным бляскам, сульфід малібдэна. Сінонімы: малібдэнавы бляск, малібдэнавы калчадан.

Уласцівасці

Гнуткі, але не эластычны. Генетычна звязаны з гранітамі, кварцавымі жыламі, грэйзенамі, часам з пегматытамі. Крышталі таблітчатыя, але часцей сустракаецца ў выглядзе агрэгатаў лускаватай ці ліставатай формы, украпванняў у кварцы. У выніку гідратэрмальных працэсаў асаджваецца з глыбінных гарачых вод.

Месца нараджэння

Сустракаецца ў ЗША (Каларада, Невада), Канадзе, Чылі, Расіі (Паўночны Каўказ, Алтай, Забайкалле), Украіне (Данбас, Валынь), Нарвегіі, Германіі, Чэхіі.

Спасылкі

• Малібдэніт у каталогу мінералаў
• Малібдэніт у базе webmineral.com (англ.)
• Малібдэніт у галерэі мінералаў Архівавана 7 студзеня 2009. (англ.)