Марэн Лундбю

Марэн Лундбю
Агульная інфармацыя
Пол жанчына
Спецыялізацыя скачкі на лыжах з трампліна[3] і футбол[4]
Клуб Kolbu KK[d]
Нарадзілася 7 верасня 1994(1994-09-07)[1][2] (30 гадоў)
Грамадзянства
Альма-матар
Рост 173 см[5][6]
Вага 53 кг[7]
Лагатып Вікісховішча Медыяфайлы на Вікісховішчы

Марэн Лундбю (нарв.: Maren Lundby; нар. 7 верасня 1994 года, Ёвік, Оплан) — нарвежская скакуха з трампліна, алімпійская чэмпіёнка 2018 года ў скачках з нармальнага трампліна, двухразовая чэмпіёнка свету (2019 і 2021). Трохразовая ўладальніца Кубка свету.

Спартыўная кар’ера

[правіць | правіць зыходнік]

Дэбютавала на чэмпіянаце свету 2009 года ў Лахці ва ўзросце 14 гадоў, калі жаночыя скачкі з трампліна ўпершыню з’явіліся ў праграме чэмпіянатаў свету. На чэмпіянаце свету 2015 года ў Фалуне 20-гадовая Лундбю заваявала сярэбраныя медалі ў змешаных камандах (нарвежцы прайгралі немцам 2,3 бала).

10 снежня 2016 года ў Ніжнім Тагіле ўпершыню перамагла на этапе Кубка свету. Усяго ў сезоне 2016/17 выйграла 4 этапы і заняла трэцяе месца ў агульным заліку.

На чэмпіянаце свету 2017 года ў Лахці засталася без медалёў: 4-е месца ў асабістым першынстве на нармальным трампліне і 5-е месца ў змешаных камандах.

На Алімпійскіх гульнях 2018 года выйграла золата на нармальным трампліне, апярэдзіўшы Катарыну Альтгаўс на 12 балаў.

У сезоне 2017/18 упершыню выйграла агульны залік Кубка свету, атрымаўшы 9 перамог на этапах. У сезоне 2018/19 зноў стала лепшай у Кубку свету, выйграўшы 12 этапаў.

На чэмпіянаце свету 2019 года заваявала медалі ва ўсіх трох дысцыплінах: золата на нармальным трампліне (Марэн выйграла ў Катарыны Альтхаус усяго 0,5 бала) і дзве бронзы ў жаночых камандах і змешаных камандах. На чэмпіянаце свету 2021 года зноў выйграла медалі ў кожнай дысцыпліне: срэбра на нармальным трампліне, золата на вялікім трампліне (медалі ў гэтым відзе былі ўпершыню разыграны на чэмпіянатах свету), а таксама срэбра ў змешаных камандах і бронзу ў жаночых камандах.

18 снежня 2023 года аб’явіла пра завяршэнне спартыўнай кар’еры.

Зноскі

  1. ↑ https://www.skiforbundet.no/contentassets/f7f90f67e0a1475f8f4c621e352ca2dc/20191220-norgescup-hopp-20192020---rankingliste-kvinner.pdf
  2. ↑ Maren Lundby // Store norske leksikon — 1978. — ISSN 2464-1480
  3. ↑ FIS database Праверана 26 красавіка 2022.
  4. ↑ NFF database Праверана 10 верасня 2024.
  5. ↑ Maren Lundby — Olympiatoppen.
  6. ↑ Maren Lundby - At a glance — Olympic Channel Services.
  7. ↑ Olympedia — 2006.

Спасылкі

[правіць | правіць зыходнік]