«Менталіст» (англ.: The Mentalist)[4] — амерыканскі тэлевізійны серыял, прэм’ера якога адбылася 23 верасня 2008 года на канале CBS.
Галоўны герой — Патрык Джэйн (Сайман Бейкер), цудоўны псіхолаг-практык і маніпулятар, які некалі прыкідваўся «экстрасэнсам», «празорцам». Прытрымваючыся створанага ім вобразу, супрацоўнічаў са следствам у пайманні серыйнага забойцы «Крывавы Джон». У выступе на тэлебачанні апісаў, як «празорлівы», яго псіхалагічны партрэт: ушчэмлены з дзяцінства і іншае. Абураны такі «хлуснёй», як ён сам выказаўся ў сваім пасланні, «Крывавы Джон» забіў жонку і дачку Патрыка…
Зараз Патрык Джэйн займаецца тым, што дапамагае Каліфарнійскаму бюро расследаванняў у раскрыцці розных цяжкіх злачынстваў, пераважна — забойстваў. Ён катэгарычна адмаўляе, што магія існуе, і даказвае, што ўсё гэта спрытнасць рук і назіральнасць.
Аказваючы ўсялякую дапамогу бюро, ён працягвае жыць таксама і надзеяй злавіць «Крывавага Джона».
Сезон | Эпізоды | Даты паказу | ||
---|---|---|---|---|
Прэм’ера | Фінал | |||
1 | 23 | 23 верасня 2008 | 19 мая 2009 | |
2 | 23 | 24 верасня 2009 | 20 мая 2010 | |
3 | 24 | 23 верасня 2010 | 19 мая 2011 | |
4 | 24 | 22 верасня 2011 | 17 мая 2012 | |
5 | 22 | 30 верасня 2012 | 5 мая 2013 | |
6 | 22 | 29 верасня 2013 | 18 мая 2014 | |
7 | 13 | 30 лістапада 2014 | 18 лютага 2015 |
Рэальнага Каліфарнійскага Бюро Расследаванняў (CBI) больш не існуе пад гэтым імем, яно было аб’яднана ў 2007 годзе (да выхаду шоу), і ператварылася «Бюро Расследаванняў і Разведкі (BII)». Таксама ў серыяле часта паказваюць выдуманыя месцы, такія як «Сэлінджэр Міл і Ранча-Роса». Як і большасць амерыканскіх тэлесерыялаў, сцэны «Менталіста» галоўным чынам зняты ў студыі ў Лос-Анджэлесе, але часам сцэны здымаюцца ў Сакрамента.
15 кастрычніка 2008, CBS замовіў поўны сезон серыяла[5]. На 20 мая 2009, CBS замовіла другі сезон, прэм’ера якой адбылася 24 верасня 2009 у ЗША[6] і 22 верасня на CTV у Канадзе[7], а таксама 28 верасня 2009 у Аўстраліі. 19 мая 2010 CBS абвясціла, што серыял быў падоўжаны на трэці сезон[8]. 18 мая 2011 CBS абвясціла, што серыял быў падоўжаны на чацвёрты сезон[9].