Меркура-Чук

Горад Меркура-Чук рум.: Miercurea Ciuc венг.: Csíkszereda ням.: Szeklerburg Герб Сцяг Краіна  Румынія[1] Каардынаты 46°21′34″ пн. ш. 25°48′14″ у. д.^HGЯO Кіраўнік Аціла Корадзі^[d][2] Вышыня цэнтра 662 ± 1 м Насельніцтва ▼34 484 чал. (1 снежня 2021)[3] Часавы пояс UTC+2 і UTC+03:00 Паштовыя індэксы 530100–530242 Афіцыйны сайт miercureaciuc.ro Меркура-Чук на карце Румыніі

Медыяфайлы на Вікісховішчы

Меркура-Чук (рум.: Miercurea-Ciuc^{Слухацьⓘ}) — горад у цэнтральнай Румыніі, у Трансільваніі, адміністрацыйны цэнтр жудзеца Харгіта. Размешчаны ў гістарычнай вобласці Секеі, у даліне ракі Олт.

Гісторыя

Паміж 1876 і 1918 гадамі Меркура-Чук уваходзіў у склад Аўстра-Венгрыі і быў адміністрацыйным цэнтрам камітату Чык. Па Трыянонскаму дагавору разам з усёй Трансільваніяй горад адышоў да Румыніі. З 1927 па 1938 год ён быў адміністрацыйным цэнтрам жудзеца Чук.

У 1940 годзе Меркура-Чук зноў адышла да Венгрыі па выніках Другога Венскага арбітражу і заставалася ў складзе апошняй да 1944 года. У 1944 годзе горад быў заняты Савецкай Арміяй, і ў 1945 годзе зноў увайшоў у склад Румыніі. З 1952 па 1968 год горад уваходзіў у склад Венгерскай аўтаномнай вобласці (з 1968 — Мурэш-Венгерская аўтаномная вобласць). У 1968 годзе было адноўлена дзяленне Румыніі на жудзецы, венгерская аўтаномія была скасавана, а Меркура-Чук стала адміністрацыйным цэнтрам жудзеца Харгіта.

Пасля Другой сусветнай вайны была праведзена індустрыялізацыя Меркуры-Чук, у прыватнасці, пабудаваны трактарны завод, тэкстыльная фабрыка і піваварны завод.

Адукацыя

У 2001 годзе адкрыты Прыватны ўніверсітэт Sapientia — Трансільванскі Венгерскі Універсітэт. Гэта першы ў Румыніі ўніверсітэт, выкладанне ў якім вядзецца на венгерскай мове.

Спорт

Гэта адзін з самых халодных гарадоў Румыніі, што робіць яго ідэальным для заняткаў зімовымі відамі спорту. У горадзе знаходзіцца лядовая арэна Лаяш Вакар, на лёдзе якой гуляе мясцовая хакейная каманда «Чыксерэда» — шматразовы чэмпіён Румыніі. У горадзе таксама знаходзіцца адзіны ў краіне каток, на якім магчыма правядзенне спаборніцтваў па канькабежным спорце. Многія спартсмены, якія выступаюць за Румынію на міжнародных спаборніцтвах, родам з Меркура-Чук, такія як біятланістка Ева Тофалві і фігурыст Золтан Келемен.

Славутасці

Замак Міко.

У горадзе ёсць пешаходная вуліца — вуліца Пецёфі.

У некалькіх кіламетрах на ўсход ад цэнтра горада знаходзіцца францысканскі манастыр Шумулеў-Чук, які з’яўляецца цэнтрам паломніцтва.

У цэнтры горада захаваўся замак Міко, пабудаваны ў стылі позняга Адраджэння.

Насельніцтва

Год Колькасць 1912 3 701 1930 4 807 1948 6 143 Год Колькасць 1956 11 996 1966 15 329 1977 30 936 Год Колькасць 1992 46 228 2002 42 029 2011 38 966 [4] Год Колькасць 2021 34 484 [3]

Нацыянальны склад:

• Венгры — 81,75 %
• Румыны — 17,3 %
• Цыганы — 0,62 %

74,06 % насельніцтва каталікі, 14,99 % праваслаўныя, 7,41 % — пратэстанты-рэфармісты, 2,05 % унітарыяне.

Паводле даных перапісу 2016 года, насельніцтва горада складала 42 120 чалавек^[5].

Гарады-пабрацімы

•  Бечай, Сербія
•  Будакесі^[d], Венгрыя
•  Будапешт III^[d], Венгрыя (1999)
•  Бэлць, Малдова
•  Бэрэгавэ, Украіна
•  Гёдзёлё, Венгрыя
•  Дзьюла, Венгрыя
•  Жэлязаўцы^[d], Славакія
•  Зугло^[d], Венгрыя
•  Капашвар, Венгрыя
•  Ла-Субія^[d], Іспанія
•  Мака, Венгрыя
•  Рыэн^[d], Швейцарыя
•  Секешфехервар, Венгрыя (2011)^[6]
•  Тысаўйвараш^[d], Венгрыя
•  Хевеш^[d], Венгрыя
•  Цэглед^[d], Венгрыя

Фотаздымкі

• 
  Тэатр
• 
  Венгерскае консульства
• 
  Школа
• 
  Палац
• 
  Лядовая арэна Лаяш Вакар
• 
  Вуліца Пецёфі

Зноскі

1. archINFORM — 1994. Праверана 27 студзеня 2024.
   <a href="https://wikidata.org/wiki/Track:Q265049"></a>
2. Rezultatele alegerilor locale din 2020 — Permanent Electoral Authority.
   <a href="https://wikidata.org/wiki/Track:Q28726168"></a>
3. 2021 Romanian census — National Institute of Statistics.
   <a href="https://wikidata.org/wiki/Track:Q106566382"></a><a href="https://wikidata.org/wiki/Track:Q6973708"></a>
4. Populaţia stabilă pe judeţe, municipii, oraşe şi localităti componenete la RPL_2011 — INS. Праверана 4 лютага 2014.
   <a href="https://wikidata.org/wiki/Track:Q6973708"></a>
5. Populația României pe localități la 1 ianuarie 2016 (нявызн.). Institutul Național de Statistică (6 мая 2016). Архівавана з першакрыніцы 31 кастрычніка 2017.
6. https://www.szekesfehervar.hu/csikszereda

Спасылкі

• Афіцыйны сайт горада (рум.)
• FINALLY, SLAVS! Early Slavic infiltration into the Eastern Carpathians