Мотарыкша

Мотарыкша з’яўляецца распаўсюджаным відам грамадскага транспарту ў гарадах Індыі

Мотарыкша (аўтарыкша, тук-тук, мотатаксі) — крыты трохколавы матацыкл ці скутэр, прызначаны для перавозкі пасажыраў ці груза.

Агульныя звесткі

Выкарыстанне мотарыкшаў шырока распаўсюджана ў краінах з цёплым кліматам, асабліва ў Паўднёвай і Паўднёва-Усходняй Азіі. Мотарыкша з’яўляецца матарызаванай версіяй звычайнай рыкшы і вылучаецца эфектыўнасцю і таннасцю транспарціроўкі. У Індыі мотарыкша — адно з найбольш папулярных транспартных сродкаў, тут яе часта называюць тук-тукам або аўтарыкшай. Звычайна мотарыкша індыйскай вытворчасці спажывае каля 1 літра бензіну на 35 кіламетраў шляху (каля 3 літраў на 100 кіламетраў). Сярод найбуйнейшых вытворцаў мотарыкшаў у Індыі можна назваць кампаніі Bajaj Auto, Kerala Auto, Piaggio і Force Motors, Mahindra & Mahindra і TVS Motors.

Гэты від транспарту з’яўляецца адным з самых небяспечных сродкаў перамяшчэння па горадзе, у сувязі з падвышанай аварыйнасцю і адсутнасцю сістэм бяспекі. Нягледзячы на гэта, ён папулярны сярод турыстаў, бо вельмі зручны для кароткіх паездак па гарадах, дзе дрэнна развіты грамадскі транспарт.

Галерэя

• 
  Мотарыкшы RE 4S у Гоа (Індыя)
• 
  Мотарыкша ў Карачы (Пакістан)
• 
  Мотарыкшы ў Бангкоку (Тайланд)
• 
  Мотарыкша ў Аютхая (Таиланд)
• 
  Мотарыкша ў Ханоі (В’етнам)
• 
  Мотарыкшы ў Адама (Эфіопія)
• 
  Мотарыкша ў Найробі (Кенія)

Гл. таксама

• Рыкша
• Веларыкша
• Таксі

Спасылкі

• На Вікісховішчы ёсць медыяфайлы па тэме Мотарыкша