Мурманская вобласць

Мурманская вобласць
руск.: Мурманская область
Герб^[d] Сцяг
Краіна	Расія
Гімн	Q4138471?
Уваходзіць у	Расія (1991—?)[1]
Адміністрацыйны цэнтр	Мурманск
Дата ўтварэння	28 мая 1938
Кіраўнік	Андрэй Чыбіс^[d]
Насельніцтва	▼656 438 чал. (2024)
Плошча	144 902 км²
Часавы пояс	MSD і Еўропа/Масква^[d][2]
Код ISO 3166-2	RU-MUR
Код аўтам. нумароў	51
Афіцыйны сайт (руск.)
Медыяфайлы на Вікісховішчы

Мурманская вобласць — суб'ект Расійскай Федэрацыі, размешчаны на паўночным захадзе Расіі. Утворана 20 мая 1938 года. Плошча 144,9 тыс. км². Насельніцтва — 872,8 тыс. чалавек (2005). Шчыльнасць насельніцтва: 6,0 чал./км², удзельная вага гарадскога насельніцтва: 91,5 %. Адміністрацыйны цэнтр вобласці — горад Мурманск. Нацыянальны склад: рускія 85,2%, украінцы 6,4%, беларусы 2,3%, татары 0,9%, саамы і карэлы па 0,2%, фіны 0,05%.

Буйнейшыя гарады: Мурманск, Апатыты, Севераморск, Манчагорск. Падзяляецца на 14 гарадскіх акруг і 5 муніцыпальных раёнаў.

Геаграфія

Вобласць размешчана на паўночным захадзе Еўрапейскай часткі Расіі, займае Кольскі паўвостраў з прылеглымі да яго ўчасткамі мацерыка. Абмываецца Баранцавым і Белым морамі. Клімат умерана халодны, змякчальны ўплыў аказвае цёплае Нардкапскае цячэнне. Баранцава мора не замярзае на паўднёвым захадзе на працягу ўсяго года. Зіма доўгая, але не суровая; сярэдняя тэмпература студзеня ад — 8 да — 13 °C. Асаблівасць Мурманскай вобласці — наяўнасць палярнага дня і палярнай ночы (для шыраты 68 ° палярны дзень працягваецца з 27 мая да 18 чэрвеня, палярная ноч — з 10 снежня да 8 студзеня). Лета кароткае і прахалоднае; сярэдняя тэмпература ліпеня ад 8 да 14 °C. Сярэднегадавая колькасць ападкаў ад 350 да 1000 мм (у горных раёнах). Працягласць вегетацыйнага перыяду 80-130 сут.

Рачная сетка густая. Рэкі належаць басейнам Баранцава (р.Паз) і Белага мораў, адрозніваюцца парогамі, багатыя гідраэнергіяй.

Глебы пераважна падзолістыя, балотныя і тундравыя. Паўночная частка вобласці занятая тундрай (20 % плошчы), на поўдзень размешчана лесатундра. Больш за 30 % тэрыторыі занята лясамі (перважна хвоя, елка, бяроза). Да 37 % плошчы вобласці знаходзіцца пад балотамі.

Вядомыя асобы

• Венядзікт Васілевіч Ерафееў

Зноскі

1. АКТМУ Праверана 13 сакавіка 2015.
   <a href="https://wikidata.org/wiki/Track:Q4330203"></a>
2. https://data.iana.org/time-zones/tzdb-2021e/europe

Літаратура

• Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).

Спасылкі

• На Вікісховішчы ёсць медыяфайлы па тэме Мурманская вобласць
• Афіцыйны сайт Архівавана 27 лістапада 2020.
• Навіны вобласці Архівавана 12 сакавіка 2007.