Мічыганскі ўніверсітэт

Мічыганскі ўніверсітэт
англ.: University of Michigan
Арыгінальная назва	англ.: University of Michigan
Дэвіз	лац.: Artes, Scientia, Veritas
Заснаваны	1817
Тып	дзяржаўны даследчы ўніверсітэт
Студэнты	56 000 і 58 910[1]
Краіна	ЗША[2][3]
Размяшчэнне	Ан-Арбар, Мічыган, ЗША
Сайт	umich.edu
Медыяфайлы на Вікісховішчы

Мічыганскі ўніверсітэт (англ.: University of Michigan) — амерыканская дзяржаўная вышэйшая навучальная ўстанова са статусам даследчага ўніверсітэта, якая месціцца ў горадзе Ан-Арбар у штаце Мічыган, ЗША.

Агульная характарыстыка

Універсітэт быў заснаваны ў 1817 годзе ў Дэтройце і пераехаў у Ан-Арбар у 1837 годзе. У цяперашні час універсітэт мае кампусы ў трох гарадах Мічыгана: Ан-Арбар, Дырбарн і Флінт.

Універсітэт лічыцца адным з лепшых дзяржаўных універсітэтаў у ЗША, а таксама адным з самых багатых. Адной з прычын такой сітуацыі з'яўляецца надзвычай высокая плата за навучанне для студэнтаў, якія паходзяць не са штата Мічыган, якія складаюць каля 30% ад агульнай колькасці студэнтаў вучэльні.

Мічыганскі ўніверсітэт з'яўляецца адным з найбуйнейшых дзяржаўных універсітэтаў ЗША і характарызуецца высокім узроўнем выкладання. Ён займае другое ці трэццяе месца ў рэйтынгу лепшых дзяржаўных універсітэтаў краіны або ад дваццаць другога да дваццаць пятага, калі браць пад увагу прыватныя ўніверсітэты. У сусветным рэйтынгу ўніверсітэт займае месца паміж шостым і васемнаццатым.

Структура

• Каледж літаратуры, навукі і мастацтваў
• Каледж інжынерыі
• Каледж фармацыі
• Каледж архітэктуры і горадабудаўніцтва
• Школа медыцыны
• Школа права
• Школа стаматалогіі
• Школа музыкі, тэатра і танца
• Школа медсястрынства
• Школа магістратуры
• Школа дзяржаўнага кіравання
• Школа адукацыі
• Школа бізнесу
• Школа экалогіі і ўстойлівага развіцця
• Школа грамадскага здароўя
• Школа сацыяльнай працы
• Школа інфармацыі
• Школа мастацтва і дызайну
• Школа кінезіялогіі

Некаторыя знакамітыя выпускнікі

• Джэральд Форд — прэзідэнт ЗША
• Рауль Валенберг — дыпламат, Праведнік сусвету, вядомы ратаўнік яўрэяў падчас Халакосту
• Луіза Чыконэ — спявачка, вядомая пад сцэнічным псеўданімам "Мадонна"
• Лары Пэйдж — прадпрымальнік, сузаснавальнік кампаніі Google
• Стэнлі Коэн — лаўрэат Нобелеўскай прэміі па фізіялогіі і медыцыне
• Джэром Карле — лаўрэат Нобелеўскай прэміі па хіміі
• Пол Мілграм — лаўрэат Нобелеўскай прэміі па эканоміцы
• Маршал Нірэнберг — лаўрэат Нобелеўскай прэміі па фізіялогіі і медыцыне
• Х’ю Дэвід Політцэр — лаўрэат Нобелеўскай прэміі па фізіцы
• Роберт Шылер — лаўрэат Нобелеўскай прэміі па эканоміцы
• Рычард Смелі — лаўрэат Нобелеўскай прэміі па хіміі
• Сэмюэл Тынг — лаўрэат Нобелеўскай прэміі па фізіцы
• Томас Хакл Уэлер — лаўрэат Нобелеўскай прэміі па фізіялогіі і медыцыне

Гл. таксама

• Спіс універсітэтаў штата Мічыган

Крыніцы

1. U.S. and Canadian 2022 NTSE Participating Institutions Listed by Fiscal Year 2022 Endowment Market Value, Change in Market Value from FY21 to FY22, and FY22 Endowment Market Values Per Full-time Equivalent Student (Excel) — National Association of College and University Business Officers, 2023. Праверана 22 мая 2023.
   <a href="https://wikidata.org/wiki/Track:Q30268203"></a>
2. Global Research Identifier Database — 2015. Праверана 30 чэрвеня 2020.
   <a href="https://wikidata.org/wiki/Track:Q27768150"></a>
3. Global LEI index Праверана 17 верасня 2024.
   <a href="https://wikidata.org/wiki/Track:Q55259097"></a>

Спасылкі

• На Вікісховішчы ёсць медыяфайлы па тэме Мічыганскі ўніверсітэт
• Афіцыйная інтэрнэт-старонка ўстановы