Навігацыя

Навігацыя (navigatio, ад navigo — плыву на судне):

1. Мараплаўства, суднаходства.
2. Перыяд часу ў годзе, калі па мясцовых кліматычных умовах магчымае суднаходства.
3. Асноўны раздзел суднакіравання, ў якім распрацоўваюцца тэарэтычныя абгрунтаванні і практычныя прыёмы кіравання суднаў.

На працягу шматлікіх стагоддзяў тэрмін навігацыя азначаў сукупнасць паказаных значэнняў. У XX стагоддзі, з развіццём навукі і тэхнікі, з'яўленнем паветраных суднаў, касмічных караблёў — новых аб'ектаў навігацыі, з'явіліся новыя сэнсавыя значэнні тэрміна. Цяпер, у агульным сэнсе, навігацыя — працэс кіравання некаторым аб'ектам (які мае уласныя сродкі перамяшчэння) у вызначанай прасторы перамяшчэння. Складаецца з двух асноўных частак:

• тэарэтычнае абгрунтаванне і практычнае ўжыванне метадаў кіравання аб'ектам;
• маршрутызацыя, выбар аптымальнага шляху руху аб'екта ў прасторы.

Віды навігацыі

• Астранамічная навігацыя — метад вызначэння каардынат суднаў і лятальных апаратаў, заснаваны на выкарыстанні радыёвыпраменьвання або светлавога выпраменьвання нябесных свяцілаў.
• Астраінерцыйная навігацыя — метад навігацыі касмічнага лятальнага апарату, пры якім камбінуюцца сродкі інерцыйнай навігацыі і астранамічнай навігацыі.
• Біянавігацыя — здольнасць жывёлін выбіраць напрамак руху пры рэгулярных сезонных міграцыях.
• Паветраная навігацыя — прыкладная навука аб дакладным, надзейным і бяспечным кіраванні ў паветры лятальных апаратаў.
• Інерцыйная навігацыя — метад вызначэння параметраў руху і каардынат аб'екта, які патрабуе знешніх арыенціраў або сігналаў.
• Інфармацыйная навігацыя — працэс праводу карыстальніка па лагічна звязаных дадзеных.
• Касмічная навігацыя — кіраванне рухам касмічнага лятальнага апарату.
• Марская навігацыя — асноўны падзел суднакіравання.
• Радыёнавігацыя — тэарэтычныя пытанні і практычныя прыёмы кіравання суднаў і лятальных апаратаў з дапамогай радыётэхнічных сродкаў і прыладаў.
• Спадарожнікавая навігацыя — практычнае ўжыванне сродкаў GPS/ГЛОНАСС для вызначэння месцазнаходжання і напрамку руху.

Спасылкі

• На Вікісховішчы ёсць медыяфайлы па тэме Навігацыя