Народны артыст СССР

«Народны артыст СССР» — ганаровае званне, якое прысвойвалася да 1991 года Прэзідыумам Вярхоўнага Савета СССР найбольш выдатным дзеячам мастацтва народаў СССР за асаблівыя заслугі ў галіне культуры, мастацтва, за выдатныя дасягненні і высокае майстэрства ў прафесійнай дзейнасці. Устаноўлена пастановай ЦВК СССР ад 6 верасня 1936 года.

Усяго звання «Народны артыст СССР» былі ўдастоены 1006 чалавек.

Прадстаўнікі саюзных рэспублік маглі атрымаць яго толькі пры наяўнасці адпаведнага рэспубліканскага звання (у выпадку БССР — Народны артыст Беларусі).

Народныя артысты СССР у Беларусі

• 1940 Ларыса Александроўская
• 1948 Глеб Глебаў, Павел Малчанаў, Барыс Платонаў
• 1953 Аляксандр Ільінскі
• 1955 Лідзія Ржэцкая, Уладзімір Уладамірскі, Яўген Цікоцкі, Рыгор Шырма
• 1956 Мікалай Ворвулеў
• 1964 Тамара Ніжнікава, Леанід Рахленка
• 1968 Іосіф Жыновіч, Здзіслаў Стома, Генадзь Цітовіч
• 1969 Аляксандра Клімава, Уладзімір Корш-Саблін, Яўген Палосін
• 1971 Уладзімір Дзядзюшка
• 1975 Фёдар Шмакаў
• 1977 Святлана Данілюк
• 1978 Расціслаў Янкоўскі
• 1979 Яраслаў Вашчак
• 1980 Галіна Макарава
• 1982 Віктар Тарасаў
• 1984 Яўген Глебаў
• 1985 Валянцін Елізар’еў, Аркадзь Саўчанка
• 1986 Віктар Тураў
• 1987 Ігар Лучанок
• 1988 Стэфанія Станюта
• 1989 Мікалай Мікалаевіч Яроменка (старэйшы)
• 1990 Уладзімір Мулявін, Віктар Роўда
• 1991 Генадзь Аўсяннікаў

Літаратура

• Ерашкевіч П. М. Народны артыст СССР // Тэатральная Беларусь: энцыклапедыя. У 2 т. Т. 2. — Мн.: БелЭН, 2003. — С. 162.