Насельніцтва Нігерыі

Насельніцтва Нігерыі
Краіна
Месцазнаходжанне
Карта месцазнаходжання
Схематычная ілюстрацыя
Лагатып Вікісховішча Медыяфайлы на Вікісховішчы

Нігерыя з насельніцтвам амаль 200 млн чалавек з’яўляецца сёмай паводле колькасці насельніцтва краінай у свеце, і нават кансерватыўныя ацэнкі колькасці насельніцтва Афрыкі прыводзяць да высновы, што больш за 20 % чорнага насельніцтва свету пражывае ў Нігерыі. Нізерыя з’яўляецца самай населенай краінай у Афрыцы, у наступнай краіне — Эфіопіі — пражывае некалькі болей за 100 млн чал.. Нацыянальныя вынікі перапісу ў апошнія некалькі дзесяцігоддзяў былі даволі спрэчнымі. Вынікі апошняга перапісу насельніцтва былі выпушчаныя ў снежні 2006 года, паводле якіх насельніцтва краіны складала 140 003 542 чалавек. Сённяшняя лічба колькасці насельніцтва атрымана метадам ацэнкі.

Асноўныя дэмаграфічныя паказчыкі

[правіць | правіць зыходнік]
Насельніцтва Нігерыі[1]
Год Мільёнаў
1971 55.1
1980 71.1
1990 94.5
2000 124.8
2004 138.0
2008 151.3
2017 190.3

Пачынаючы з другой паловы ХХ ст, насельніцтва Нігерыі расло вельмі хуткімі тэмпамі. У 1950 годзе у Нігерыі пражывала толькі 33 мільёны чалавек[2]. Да 1990 яно вырасла ўтрая. Павелічэнне насельніцтва ў Нігерыі з 1990 па 2017 годы склала 95 млн чалавек, г.зн., яго колькасць вырасла яшчэ ўдвая[1]. Сёння (2017) прырост застаецца вельмі высокім — 2,4 %. Сумарны каэфіцыент нараджальнасці у 2017 годзе склаў 5,07[3]. Амаль палову насельніцтва складаюць дзеці і падлеткі да 15 гадоў, што робіць Нігерыю адной з наймаладзейшых краін свету. Паводле прагнозаў ААН Нігерыя з’яўляецца адной з васьмі краін, на якія, як чакаецца, прыйдзецца палова агульнасусветнага прыросту насельніцтва з 2005 па 2050 гады[4]. Да 2100 года, паводле ацэнак ААН, нігерыйскае насельніцтва будзе складаць не менш чым 730 мільёнаў чалавек[5].

Этна-лінгвістычныя групы

[правіць | правіць зыходнік]
Этнічная карта Нігерыі

У Нігерыі пражывае больш чым 250 этнічных груп з рознымі мовамі і звычаямі. Найбуйнейшымі этнічнымі групамі з’яўляюцца хаўса, ёруба, ігба, на якія прыходзіцца 62 % насельніцтва, у той час як на народнасці эда, іджа, кануры, ібібіа, эбіра, нупэ, гвары, ітсекіры, джукун, уроба, ігала, адома прыходзіцца 33 % насельніцтва, іншыя меншасці складаюць 5 % насельніцтва[6]. Сярэдняя паласа Нігерыя вядомая сваёй разнастайнасцю этнічных груп. Афіцыйныя дадзеныя насельніцтва па кожнай з нацыянальнасцей Нігерыі заўсёды заставаліся супярэчлівымі і спрэчнымі[7][8][9].

У Нігерыі маюцца невялікія меншасці англійскіх, амерыканскіх, індыйскіх, кітайскіх (каля 50 000 чалавек)[10], белых зімбабвійскіх[11], японскіх, грэчаскіх, сірыйскіх і ліванскіх імігрантаў. Імігранты таксама ўключаюць перасяленцаў з суседніх заходнеафрыканскім ці ўсходнеафрыканскіх краін. Гэтыя меншасці пражываюць галоўным чынам у буйных гарадах, як Лагас і Абуджа, а таксама ў рэгіёне дэльты ракі Нігер, дзе працуюць у якасці наёмных працаўнікоў буйных нафтавых кампаній. Таксама ў Нігерыі маюцца кубінцы, якія перасяліліся сюды пасля кубінскай рэвалюцыі.

Рэлігія ў Нігерыі

[правіць | правіць зыходнік]
Нацыянальная царква ў Абуджы
Нацыянальная мячэць у Абуджы
Асноўны артыкул: Рэлігія ў Нігерыі
Гл. таксама: Іслам у Нігерыі і Каталіцызм у Нігерыі

У Нігерыі ёсць дзве галоўныя рэлігіі. Іслам дамінуе на поўначы краіны, таксама распаўсюджаны ў паўднёва-заходняй яе частцы, сярод народа ёруба. У 12 штатах Нігерыі дзейнічаюць законы шарыяту. Пратэстантызм і мясцовае сінкрэтычнае хрысціянства таксама распаўсюджаны сярод ёруба, у той час як каталіцызм пераважае ў народа ігба. Пратэстантызм і каталіцызм вызнаюць народы: ібібіа, ананг  (англ.) (бел. і эфік.

Рэлігія Год перапісу Колькасць вернікаў[12] Працэнт ад агульнага ліку насельніцтва
Іслам 2009 78 056 000 50.4 %[12]
Хрысціянства 2009 76 281 000 48.2 %[13]
Іншыя 2009 невядома 1.4 %[13]

Рэлігійныя сутыкненні ў Нігерыі

[правіць | правіць зыходнік]
Асноўны артыкул: Рэлігійныя сутыкненні ў Нігерыі

Рэлігійныя сутыкненні адбываюцца паміж прадстаўнікамі розных рэлігійных груп, такімі як мусульмане і хрысціяне. Урад Нігерыі таксама ўдзельнічае ў гэтым канфлікце, рэгулярна пасылаючы войскі і паліцыю для таго каб спыніць масавыя забойствы. Паўночная частка Нігерыі (дзе большасць складаюць мусульмане) з 1999 года жыве па законах шарыяту.

Размяшчэнне і рассяленне

[правіць | правіць зыходнік]
Размеркаванне насельніцтва Нігерыі

Нігерыя адрозніваецца высокай шчыльнасцю насельніцтва — амаль 200 чалавек на кв.км. Гэта адзін з найвышэйшых паказчыкаў у Афрыцы, па шчыльнасці насельніцтва Нігерыю пераўзыходзяць толькі Руанда і невялікія астраўныя дзяржавы. Па тэрыторыі краіны насельніцва размеркавана раўнамерна, гусцей заселена паўднёва-заходняя частка. Каля паловы нігерыйцаў у 2017 годзе пражывала ў гарадах. У Нігерыі па меншай меры дзевяць гарадоў (2018), якія маюць насельніцтва больш за 1 мільён чалавек: Лагас (13,5 млн), Кано (3,8 млн), Ібадан (3,4 млн), Абуджа (2,9 млн), Порт-Харкорт (2,3 млн) і Бенін-Сіці, Кадуна, Анітша і Аба)[14]. У Лагасе пражывае больш за 13 мільёнаў чалавек, гэта адзін з найбуйнейшых гарадоў Афрыкі і свету. Іншыя гарады: Ашогба, Джос, Ілеша, Ілорын.

Зноскі

  1. ↑ а б CO2 Emissions from Fuel Combustion Архівавана 21 кастрычніка 2011. Population 1971—2008 IEA
  2. ↑ Kent, Mary Mederios; Carl Haub (December 2005). «The Demographic Divide: What It Is and Why It Matters» Архівавана 26 красавіка 2011.. Population Reference Bureau.
  3. ↑ https://www.cia.gov/library/publications/resources/the-world-factbook/geos/ni.html Архівавана 24 кастрычніка 2020.
  4. ↑ «World population to increase by 2.6 billion over next 45 years, with all growth occurring in less developed regions». UN.
  5. ↑ «Population Division of the Department of Economic and Social Affairs of the United Nations Secretariat». UN. 2010.
  6. ↑ Geographica: The complete Atlas of the world, «Nigeria», (Random House, 2002).
  7. ↑ Onuah, Felix (29 December 2006). «Nigeria gives census result, avoids risky details» Архівавана 26 студзеня 2009.. Reuters
  8. ↑ Lewis, Peter (2007). «Growing Apart: Oil, Politics, and Economic Change in Indonesia and Nigeria». University of Michigan Press. p. 132. ISBN 0-472-06980-2.
  9. ↑ Suberu, Rotimi T. (2001). «Federalism and Ethnic Conflict in Nigeria». US Institute of Peace Press. p. 154. ISBN 1-929223-28-5.
  10. ↑ Politzer, Malia (August 2008). «China and Africa: Stronger Economic Ties Mean More Migration». Migration Information Source.
  11. ↑ Simpson, Sarah (August 2008). «Why white Zimbabwean farmers plan to stay in Nigeria». The Christian Science Monitor.
  12. ↑ а б http://pewforum.org/newassets/images/reports/Muslimpopulation/Muslimpopulation.pdf Архівавана 25 ліпеня 2013.
  13. ↑ а б "Nigeria: Facts and figures". BBC News. April 17, 2007.
  14. ↑ https://www.cia.gov/library/publications/resources/the-world-factbook/geos/ni.html Архівавана 24 кастрычніка 2020.