Нацыянальны парк Вуд-Буфала

Вуд-Бафала
англ.: Wood Buffalo National Park
Катэгорыя МСАП — II (Нацыянальны парк)
Размяшчэнне	Канада, Альберта і Паўночна-Заходнія тэрыторыі
Найбліжэйшы горад	Форт Сміт
Плошча	44 тыс. кв. км
Дата заснавання	1983
Сайт	pc.gc.ca/en/pn-np… (англ.) pc.gc.ca/fr/pn-np… (фр.)
Вуд-Бафала

Вуд-Бафала (англ.: Wood Buffalo National Park) — нацыянальны парк на тэрыторыі правінцый Альберта і Паўночна-Заходнія тэрыторыі, Канада. Заснаваны ў 1983 годзе.

Гэта найбуйнейшы ў Канадзе нацыянальны парк і адзін з самых вялікіх у свеце, мае плошчу больш за 44 тыс км². Размешчаны ў цэнтральнай частцы Канады, паміж азёрамі Атабаска і Вялікае Нявольніцкае ў поясе сухіх барэальных іглічных лясоў з умерана прахалодным кліматам, доўгай і халоднай зімой, але з цёплым летам. Тут суседнічаюць травяністыя прэрыі і засоленыя лугавыя раўніны, дзе кормам для траваедных служаць солеўстойлівыя травы і дзікія кветкі. Таксама запаведнік вядомы тым, што на яго тэрыторыі жыве самае вялікі на кантыненце дзікі статак амерыканскіх бізонаў (каля 2500 галоў), акрамя таго тут гняздуюць амерыканскія журавы і пеліканы, часта сустракаюцца лось, паўночны алень карыбу, бабры, мускусныя пацукі і ваўкі. Яшчэ адна прыродная славутасць — самая шырокая ў свеце ўнутраная рачная дэльта, утвораная рэкамі Атабаска і Піс-Рывер.

Спасылкі

• На Вікісховішчы ёсць медыяфайлы па тэме Нацыянальны парк Вуд-Бафала
• Parks Canada web site Архівавана 14 лютага 2004.
• Park at UNESCO World Heritage Site
• Great Canadian Parks Архівавана 26 красавіка 2006.
• Wood Buffalo National Park, Canada Архівавана 16 лютага 2008. (IUCN)