Нацыянальны фронт выратавання Уганды

Нацыянальны фронт выратавання Уганды
Лідары Майсей Алі, Алі Бамузэ
Саюзнікі  Судан
Праціўнікі  Уганда
Удзел у канфліктах Грамадзянская вайна ва Угандзе, Другая кангалезская вайна

Нацыянальны фронт выратавання Уганды, НФВУ (англ.: Uganda National Rescue Front, UNRF) – агульная назва двух угандыйскіх паўстанцкіх груповак.

Гісторыя

[правіць | правіць зыходнік]

Першы Нацыянальны фронт выратавання Уганды, таксама вядомы як «Фронт нацыянальнага выратавання»[1], быў створаны для барацьбы з урадам Мілтана Аботэ. У атрады баевікоў уліліся прыхільнікі Ідзі Аміна. Лідарам арганізацыі стаў брыгадны генерал Майсей Алі, былы міністр фінансаў.

Пасля падзення Аботэ ў ліпені 1984/1985 года больш за 1000 байцоў фракцыі далучыліся да ўрада Ёверы Мусевені.

У 1996 годзе была ўтворана новая групоўка — Нацыянальны фронт выратавання Уганды II. У склад арганізацыі ўвайшлі былыя члены першай арганізацыі, якія адмовіліся прымірыцца з уладамі. Узброеныя атрады групоўкі дзейнічалі ў асноўным у акрузе Арынга. Напады праводзіліся з баз у Судане, урад якога падтрымліваў угандыйскую апазіцыю. Новым кіраўніком паўстанцаў стаў генерал-маёр Алі Бамузэ.

24 снежня 2002 года НФВУ II падпісаў афіцыйнае пагадненне аб спыненні агню з урадам. Паводле дамовы, баевікі ўліліся ў склад урадавай арміі.

Крыніцы

[правіць | правіць зыходнік]
  1. ↑ Avirgan & Honey 1983, p. 231.

Літаратура

[правіць | правіць зыходнік]
  • Avirgan, Tony; Honey, Martha (1983). War in Uganda: The Legacy of Idi Amin. Dar es Salaam: Tanzania Publishing House. ISBN 978-9976-1-0056-3.

Спасылкі

[правіць | правіць зыходнік]