Наяда марская

Наяда марская
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя[1] Клас:  Аднадольныя[2] Парадак:  Шальнікакветныя Сямейства:  Жабнікавыя Род:  Наяда Від:  Наяда марская
Міжнародная навуковая назва
Najas marina L., 1753
Сінонімы
Naias gracilis Morong
Сістэматыка на Віківідах Выявы на Вікісховішчы ITIS   39001 NCBI   55316 EOL   1088964 GRIN   t:400101 IPNI   65675-3 TPL   kew-308286

Наяда марская^[3] (Najas marina) — кветкавая водная расліна роду Наяда (Najas) сямейства Жабнікавыя (Hydrocharitaceae).

Батанічнае апісанне

Батанічная ілюстрацыя з кнігі О. В. Тамэ «Flora von Deutschland, Österreich und der Schweiz», 1885

Аднагадовая, пагружаная ў ваду цёмна-зялёная расліна з доўгімі (10—60 см) парасткамі. Лісце лінейнае, па краях буйнавыемчатазубчастае. Похвы лісця з 1—2 добра прыкметнымі шырокімі зубцамі. Кветкі раздзельнаполыя, двухдомныя. Тычынкавыя кветкі з адной тычынкай, двухлопасцевым калякветнікам і пакрывалам, песцікавыя — без іх. Плод шырокаэліпсаідальны.

Арэал

Пашырана ў Еўразіі. У Беларусі знаходзіцца ў асобных лакалітэтах на паўднёва-ўсходняй мяжы Еўрапейскага фрагмента арэала. Месцы росту: слабаэўтрофныя азёры з чыстай сярэднемінералізаванай вадой на глыбіні 200—250 см на пясчана-галечным грунце сярод шыракалістых рдзестаў. Расце групамі, часам утварае чыстыя зараснікі. Адзначана на возеры Белае ва Ушацкім раёне Віцебскай вобласці^[4].

Цвіце ў ліпені—жніўні, пладаносіць у канцы жніўня — пачатку верасня. Размнажэнне насеннае. Апыленне адбываецца пад вадой.

Значэнне і выкарыстанне

Дэкаратыўная расліна, прыдатная для аквакультуры.

Зноскі

1. Ужываецца таксама назва Пакрытанасенныя.
2. Пра ўмоўнасць аднясення апісванай у гэтым артыкуле групы раслін да класа аднадольных гл. раздзел «Сістэмы APG» артыкула «Аднадольныя».
3. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 86. — 160 с. — 2 350 экз.
4. Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — 480 с. — 10 000 экз. — ISBN 985-11-0035-8. — ISBN 985-11-0061-7 (т. 2).

Літаратура

• Чырвоная кніга Рэспублікі Беларусь: Рэдкія і тыя, што знаходзяцца пад пагрозай знікнення віды жывёл і раслін. Мн.: Беларуская Энцыклапедыя, 1993. ISBN 5-85700-095-5

Спасылкі

• Наяда морская: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)

Гэты від занесены ў Чырвоную кнігу Беларусі і ахоўваецца законам. II катэгорыя (EN)