Нгуен Суан Фук

Нгуен Суан Фук
в’етн.: Nguyễn Xuân Phúc
дэпутат Нацыянальнага сходу В’етнама^[d] 19 ліпеня 2002 — 18 ліпеня 2007
7-ы прэм’ер-міністр В’етнама^[d] 7 красавіка 2016 — 5 красавіка 2021
Папярэднік	Нгуен Тан Зунг^[d]
Пераемнік	Фам Мінь Чынь^[d]
дэпутат Нацыянальнага сходу В’етнама^[d] 21 ліпеня 2011 — 19 ліпеня 2016
дэпутат Нацыянальнага сходу В’етнама^[d] з 20 ліпеня 2016
кіраўнік Апарату ўрада В’етнама^[d] жнівень 2007 — жнівень 2011
Намеснік Прэм’ер-міністра В’етнама^[d] 2 жніўня 2011 — 7 красавіка 2016
прэзідэнт В’етнама^[d] 5 красавіка 2021 — 18 студзеня 2023
Папярэднік	Нгуен Фу Чонг
Пераемнік	Võ Thị Ánh Xuân^[d]
Нараджэнне	20 ліпеня 1954(1954-07-20) (70 гадоў) Quế Sơn^[d], Дзяржава В’етнам, Французскі Саюз
Жонка	Tran Thi Nguyet Thu^[d]
Партыя	Камуністычная партыя В’етнама
Адукацыя	National Economics University^[d] Нацыянальны ўніверсітэт Сінгапура
Аўтограф
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Нгуен.

Нгуен Суан Фук (в’етн.: Nguyễn Xuân Phúc; нар. 20 ліпеня 1954, Куешон, Куангнам, В’етнам) — в’етнамскі палітычны і дзяржаўны дзеяч. Прэзідэнт Сацыялістычнай Рэспублікі В’етнам (5 красавіка 2021 — 17 студзеня 2023). Абраны на пасаду на 11 сесіі Нацыянальнага сходу СРВ XIV склікання. Прэм’ер-міністр В’етнама (7 красавіка 2016 — 5 красавіка 2021).

Біяграфія

Атрымаў адукацыю ў Ханойскім інстытуце народнай эканомікі (1972—1978). Па заканчэнні ВНУ працаваў у эканамічным кіраванні правінцыі Куангнам. З 1980 года пераведзены ў народны камітэт правінцыі Куангнам, дзе прайшоў шлях ад служачага да старшыні камітэта. У 1993—1996 гады ўзначальваў дэпартамент планавання і інвестыцый правінцыі Куангнам. У тыя ж гады атрымаў ступень магістра дзелавога адміністравання ў Нацыянальным універсітэце Сінгапура.

З 1997 года на партыйнай працы ў мясцовым камітэце правінцыі Куангнам. З 2006 года працаваў у цэнтральных органах выканаўчай улады В’етнама, займаючы пасады намесніка кіраўніка дзяржаўнага аўдыту, міністра — кіраўніка Апарату ўрада, з 2011 года — віцэ-прэм’ер, з 2016 года — прэм’ер-міністр.

Член Камуністычнай партыі В’етнама з 1983 года, абіраўся ў Цэнтральны Камітэт КПВ Χ, ΧΙ і ΧΙΙ скліканняў, член Палітбюро ЦК ΧΙ і ΧΙΙ скліканняў. Дэпутат ΧΙ і ΧΙΙΙ скліканняў Нацыянальнага сходу (2002—2007).

31 студзеня 2021 года Нгуен Суан Фук быў пераабраны цэнтральным камітэтам партыі 13-га склікання^[1].

5 красавіка 2021 года абраны 11-м Прэзідэнтам В’етнама падчас пасяджэння Нацыянальнай асамблеі, змяніўшы Нгуен Фу Чонга, які раней абвесціў пра свой сыход з пасады^[2][3].

17 студзеня 2023 года, з-за карупцыйнага скандалу, сышоў у адстаўку з пасады прэзідэнта па ўласным жаданні, а таксама выйшаў са складу ЦК і Палітбюро Кампартыі В’етнама^[4].

Асабістае жыццё

Валодае рускай і англійскай мовамі. Жанаты з Чан Тхі Нгует Тху^[5][6][7].

Зноскі

1. Tóm tắt tiểu sử Thủ tướng Nguyễn Xuân Phúc (нявызн.). Архівавана з першакрыніцы 2 сакавіка 2021.
2. Nguyen Xuan Phuc sworn in as Vietnam’s president (нявызн.). Архівавана з першакрыніцы 5 красавіка 2021.
3. Nguyen Xuan Phuc elected as Vietnam’s new president (нявызн.). Архівавана з першакрыніцы 12 красавіка 2021.
4. Президент Вьетнама ушёл в отставку
5. BST áo dài Lan Hương ra mắt phu nhân nguyên thủ các nước tới Hà Nội
6. Thủ tướng Nguyễn Xuân Phúc đến Phi-líp-pin dự hội nghị cấp cao ASEAN 30
7. Nguyễn Xuân Phúc chính thức thay Nguyễn Tấn Dũng làm thủ tướng

Спасылкі

• National Assembly elects Nguyễn Xuân Phúc as new Prime Minister (англ.). Viet Nam News (7 красавіка 2016). Праверана 16 снежня 2016.
• Национальное собрание Вьетнама утвердило нового премьер-министра (нявызн.). ТАСС (7 красавіка 2016). Праверана 16 снежня 2016.