Нгуен Тхі Дзінь
| Нгуен Тхі Дзінь | |
|---|---|
| в’етн.: Nguyễn Thị Định | |
 | |
| Нараджэнне |
15 сакавіка 1920 |
| Смерць |
26 жніўня 1992 (72 гады) |
| Партыя | |
| Член у | |
| Дзейнасць | палітыка[1] і вайна ў В’етнаме[1] |
| Род войскаў | В’етнамская народная армія |
| Званне | генерал-маёр |
| Бітвы | |
| Узнагароды |
   |
 Медыяфайлы на Вікісховішчы | |
Нгуен Тхі Дзінь (в’етн.: Nguyễn Thị Định; нар. 15 сакавіка 1920 — 26 жніўня 1992) — в’етнамская рэвалюцыянерка, дзеяч нацыянальна-вызваленчага руху Паўднёвага В’етнама.
Біяграфія
[правіць | правіць зыходнік]Нарадзілася 15 сакавіка 1920 года ў сялянскай сям’і ў суполцы Лыонгхоа (павет Зенгчом правінцыі Бенчэ, Паўднёвы В’етнам).
У рэвалюцыйную барацьбу ўключылася ва ўзросце 18 гадоў. У 1939 годзе за ўдзел у нацыянальна-вызваленчым руху супраць французскага каланіялізму была арыштаваная і да 1943 года знаходзілася ў турме.
Актыўна ўдзельнічала ў Жнівеньскай рэвалюцыі 1945 года, якая паклала канец В’етнамскай імперыі.
У гады вайны Супраціву 1945—1954 гадоў знаходзілася на кіруючай працы ў асацыяцыі жанчын за выратаванне Радзімы і ў Нацыянальным Саюзе В’етнама (Льен-В’ет).
У студзені 1960 года ўзначаліла штаб паўстання супраць урада прэзідэнта Нго Дзінь З’ема у роднай правінцыі Бенчэ, які стаў пачаткам партызанскай вайны ў дэльце Меконг[2].
З 1961 года — старшыня Саюза жанчын за вызваленне Паўднёвага В’етнама, намеснік галоўнакамандуючага ўзброенымі сіламі вызвалення Паўднёвага В’етнама.
З 1964 года — член Прэзідыума ЦК Нацыянальнага Фронту вызвалення Паўднёвага В’етнама.
Пасля заканчэння ў 1975 годзе В’етнамскай вайны і аб’яднання краіны працавала ў ЦК Камуністычнай партыі В’етнама.
Стала першай жанчынай, якая атрымала воінскае званне генерал-маёра В’етнамскай народнай арміі.
З 1987 года да канца жыцця выконвала абавязкі старшыні Нацыянальнага сходу (віцэ-прэзідэнта) Сацыялістычнай Рэспублікі В’етнам.
Узнагароды
[правіць | правіць зыходнік]- 1968 — Міжнародная Ленінская прэмія «За ўмацаванне міру паміж народамі».
- 1973 — Ордэн Дружбы народаў (першае ў гісторыі ўзнагароджанне гэтым Савецкім ордэнам замежнага грамадзяніна — Указ Прэзідыума Вярхоўнага Савета СССР ад 7 сакавіка 1973 года)[3].
Зноскі
- ↑ а б Czech National Authority Database Праверана 3 мая 2023.
- ↑ Ву Кань. Тропа Хо Ши Мина: Легенды и были. Архівавана з першакрыніцы 7 мая 2012. Праверана 20 снежня 2009.
- ↑ О Нгуен Тхи Динь на сайте druzhbanarodov.ru(недаступная спасылка)
Спасылкі
[правіць | правіць зыходнік]- Нгуен Тхі Дзінь у Вялікай савецкай энцыклапедыі(недаступная спасылка)
- Фота: Нгуен Тхі Дзінь і Герман Цітоў
