Няманя Мілаванавіч

Футбол
Няманя Мілаванавіч
Нарадзіўся 12 чэрвеня 1991(1991-06-12)[1] (33 гады)
Грамадзянства  Сербія
Рост 190 см
Вага 74 кг
Пазіцыя паўабаронца
Інфармацыя пра клуб
Клуб Сербія Мешава
Клубная кар’ера[* 1]
2009—2010 Сербія Напрэдак (Крушавац) 12 (0)
2011—2014 Сербія Тэлеоптык (Бялград) 91 (1)
2014—2015 Мальта Моста 18 (1)
2015 Мальта Гзіра Юнайтэд
2015 Сербія Младаст (Лучані) 6 (0)
2016 Сербія Борча (Бялград) 1 (0)
2016 Беларусь Гарадзея 21 (1)
2017 Сербія Мачва (Шабац) 8 (0)
2017—2018 Сербія Дынама (Вране) 23 (2)
2018—2019 Сербія Явар (Іваніца) 33 (0)
2019 Сербія Бачка (Бачка-Паланка) 22 (1)
2020 Сербія Калубара (Лазаравац) 4 (0)
2020—2022 Сербія Напрэдак (Крушавац) 32 (0)
2023— Сербія Мешава
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 21 чэрвеня 2023.

Няманя Мілаванавіч (сербск.: Немања Миловановић / Nemanja Milovanović; нар. 12 чэрвеня 1991, Крушавац, Сербія) — сербскі футбаліст, паўабаронца клуба «Мешава».

Клубная кар’ера

[правіць | правіць зыходнік]

Няманя з’яўляецца выхаванцам клуба «Напрэдак» з роднага горада Крушавац. У складзе «Напрэдака» дэбютаваў у сербскай Суперлізе 13 сакавіка 2010 года, выйшаўшы на замену ў матчы супраць «Црвены Звезды» (1:2). Па выніках сезона 2009/10 «Напрэдак» выбыў у Першую лігу, і Няманя некаторы час заставаўся ў клубе, але ў пачатку 2011 года далучыўся да іншага клуба Першай лігі, «Тэлеоптыка», дзе гуляў на працягу трох з паловай сезонаў.

Улетку 2014 года, пасля таго як «Тэлеоптык» выбыў з Першай лігі, пераехаў у чэмпіянат Мальты, стаўшы іграком клуба мясцовай Прэм'ер-лігі «Моста». У студзені 2015 года прайшоў у клуб Першага Дывізіёна «Гзіра Юнайтэд». У ліпені 2015 года вярнуўся ў Сербію, стаўшы іграком клуба «Младаст» Лучані, аднак ужо праз паўгода пакінуў яго, згуляўшы 6 матчаў у Суперлізе.

У сакавіку 2016 года згуляў адзін матч за клуб «Борча» ў Першай лізе Сербіі. 1 красавіка 2016 года, у апошні дзень трансфернага акна ў Беларусі, падпісаў кантракт з мясцовым клубам «Гарадзея»[2]. У «Гарадзеі» замацаваўся ў якасці асноўнага апорнага паўабаронцы, але ў канцы сезона страціў месца ў складзе. Па заканчэнні сезона 2016 пакінуў беларускі клуб[3].

У лютым 2017 года стаў іграком клуба сербскай Першай лігі «Мачва». Па выніках сезона 2016/17 «Мачва» выйшла ў Суперлігу, аднак Няманя застаўся ў другім дывізіёне, перайшоўшы ў жніўні 2017 года ў «Дынама» з Вране. У ліпені 2018 года далучыўся да «Явара» з Іваніцы.

У ліпені 2019 года папоўніў склад «Бачкі» з Бачка-Паланкі. У студзені 2020 года перайшоў у «Калубару», а ў ліпені 2020 года стаў іграком «Напрэдака». У студзені 2023 года далучыўся да «Мешава».

Дасягненні

[правіць | правіць зыходнік]
  • Сербія Пераможца Першай лігі Сербіі: 2016/17

Крыніцы

[правіць | правіць зыходнік]
  1. ↑ Nemanja Milovanovic // Transfermarkt — 2000. Праверана 9 кастрычніка 2017.
  2. ↑ "Городея" объявила о подписании сербского полузащитника Миловановича
  3. ↑ Футбол. Неманья Милованович и Дмитрий Ковб, вероятнее всего, покинут "Городею"