Нікалас Жэрар Віктар Груніцкі (фр. Nicolas Gérard Victor Grunitzky, 5 красавіка 1913; Атакпамэ, Германская калонія Тога — 27 верасня 1969, Парыж, Францыя) — палітычны і дзяржаўны дзеяч Тагалезскай Рэспублікі рады аўтаномнага Тога ў 1956—1958 гадах, прэзідэнт Тога ў 1963—1967 гадах.
Сын адстаўнога нямецкага афіцэра (этнічнага паляка) і афрыканскай прынцэсы, ён атрымаў адукацыю ў Францыі і стаў адным з вядучых палітыкаў каланіяльнага Тога. Выступаючы за цеснае супрацоўніцтва з метраполіяй, Нікалас Груніцкі заснаваў першую таголезскую палітычную партыю, быў дэпутатам Нацыянальнага сходу Францыі і ўзначаліў першы аўтаномны ўрад Тога. У 1958 годзе ён быў адціснуты ад улады Сілванусам Алімпіа (якому ён даводзіўся шваграм), перайшоў у апазіцыю, а затым эміграваў, але пасля перавароту 1963 года зноў узначаліў краіну як другі прэзідэнт ужо незалежнага Тога. Нікалас Груніцкі на працягу чатырох гадоў праводзіў курс на ўсталяванне ў краіне дэмакратычнай сістэмы і шчыльнае супрацоўніцтва з Францыяй, але ў 1967 годзе быў скінуты і неўзабаве загінуў у аўтамабільнай катастрофе.
Зноскі
Медыяфайлы на Вікісховішчы