Нікола Фічаў

Нікола Фічаў
Дата нараджэння	1800[1][2]
Месца нараджэння	Дранава^[d], Дранава^[d], Габраўская вобласць, Балгарыя[3]
Дата смерці	1881[1][2]
Месца смерці	Вяліка-Тырнава, Вяліка-Тырнава (абшчына), Вялікатырноўская вобласць, Балгарыя
Месца пахавання	Вяліка-Тырнава
Грамадзянства	Балгарыя  Асманская імперыя
Медыяфайлы на Вікісховішчы

Нікола Фічаў (балг.: Никола Иванов Фичев), або Уста Колю Фічэта (балг.: Уста̀ Колю Фичето; 1800, г. Дранава, Балгарыя — 1881, Вяліка-Тырнава, Балгарыя) — балгарскі архітэктар; адзін з буйнейшых прадстаўнікоў эпохі Балгарскага адраджэння.

Біяграфія

Ва ўзросце трох гадоў Нікола стаў сіратой, страціўшы бацьку. Пачаў навучанне ва ўзросце 10 гадоў у Траўне. Калі яму было 17 гадоў, вывучаў каменячоснае рамяство ў майстроў заходнебалгарскай будаўнічай школы ў горадзе Горыца (Корча, у сучаснай Албаніі). Пасля гэтага працаваў на будаўніцтве цэркваў, званіц і мастоў у Брацыгаве. Нікола стаў чаляднікам ва ўзросце 23 гадоў, а ў 36 гадоў быў паўнапраўным членам будаўнічай гільдыі.

Апроч роднага балгарскай мовы, лёгка размаўляў на турэцкай і валодаў у дастатковай ступені грэчаскай і румынскай мовамі, аднак быў непісьменны, не ўмеў чытаць і пісаць.

Памёр архітэктар у Вяліка Тырнаве ў 1881 годзе, дзе і быў пахаваны.

Творчасць

Яго пабудовы ў традыцыях нацыянальнага балгарскага дойлідства, адметныя маляўнічасцю, арганічнай сувяззю з наваколлем. Сярод пабудоў:

• Беленскі мост цераз раку Янтра ў г. Бяла (1865—1867)
• крыты мост у Лавечы цераз раку Осым (1872—1874)
• мост цераз раку Росіца ў Сяўліеве
• Заезны дом Хаджы Ніколы з крамамі на вуліцы Самаводска чаршыя ў Вяліка-Тырнаве
• турэцкі канак (будынак адміністрацыі) у Вяліка-Тырнаве
• кафедральны сабор Раства Багародзіцы ў Вяліка-Тырнаве
• храм Святых Канстанціна і Алены ў Вяліка-Тырнаве
• цэрквы ў яго родным горадзе
• Царква Святой Тройцы ў Свіштове (1867).

• 
  Беленскі мост цераз раку Янтра
• 
  Царква Раства Багародзіцы ў Вяліка-Тырнаве
• 
  Саборная царква Святой Тройцы ў Свіштове
• 
  Заезны дом Хаджы Ніколы ў Вяліка-Тырнаве

Зноскі

1. Nikola I. Fičev // CERL Thesaurus — Consortium of European Research Libraries. Праверана 9 кастрычніка 2017.
   <a href="https://wikidata.org/wiki/Track:Q60909659"></a><a href="https://wikidata.org/wiki/Track:Q1127581"></a>
2. Nikola Ivanov Fičev // MAK
   <a href="https://wikidata.org/wiki/Track:Q105192847"></a>
3. Фичев Никола // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969. Праверана 28 верасня 2015.
   <a href="https://wikidata.org/wiki/Track:Q5061737"></a><a href="https://wikidata.org/wiki/Track:Q17378135"></a>

Літаратура

• Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн. : БелЭн, 2003. — Т. 16. — 576 с. — 10 000 экз. — ISBN 985-11-0035-8. — ISBN 985-11-0263-6 (т. 16).

Спасылкі

• На Вікісховішчы ёсць медыяфайлы па тэме Нікола Фічаў