Охрыдская кніжная школа

Адна са 158 старонак Асеманіева Евангелля — найстаражытнейшай пісьмовай крыніцы на стараславянскай мове, напісанай глаголіцай. Ёсць меркавнне, што пергамент быў створаны пісарамі Охрыдскай школы. Набыты віцэ-прэфектам Ватыканскай бібліятэкі Іосіфам Асемані у 1736 годзе у грэчаскім манастыры Іерусаліма. Датуецца канцом X — пачаткам XI стагоддзя. У кодэксе згадваюцца Кірыл і Мяфодзій, а таксама Клімент Охрыдскі.

Охрыдская кніжная школа — адзін з найстаражытнейшых культурных цэнтраў Балгарыі. Заснавана ў 886 годзе ў Охрыдзе Кліментам Охрыдскім па загаду Барыса I (цяпер г. Охрыд знаходзіцца ў Македоніі). З IX стагоддзя ў школе выкарыстоўваўся новаствораны славянскі алфавіт — кірыліца, але да XII стагоддзя выкарыстоўвалася і глаголіца. У 893 годзе школу ўзначаліў Святы Навум[1].

Пад кіраўніцтвам Клімента і Навума ў школе прайшлі навучанне каля 3500 будучых настаўнікаў і святароў. Якасць прац школы ў пэўнай ступені знізілася пасля смерці першых двух кіраўнікоў, але яна засталася значным асяродкам паўднёваславянскай культуры да XII стагоддзя, а канчаткова страціла сваё значэнне толькі ў 1767 годзе, калі атаманскі султан і Канстанцінопальскі патрыярх ліквідавалі Охрыдскае архіепіскапства[2].

Гл. таксама

[правіць | правіць зыходнік]

Зноскі

  1. ↑ Steven Runciman, a history of the First Bulgarian Empire, Appendix IX — The Cyrillic and Glagolitic alfabets, (G/ Bell & Sons, London 1930(недаступная спасылка)
  2. ↑ Macedonia and the Macedonians: a history Volume 561 of HOOVER INSTITUTION PRESS PUBLICATION Studies of nationalities Macedonia and the Macedonians: A History, Andrew Rossos Hoover Press, 2008 ISBN 0-8179-4882-1, ISBN 978-0-8179-4882-5