Пабайскас

Мястэчка Пабайскас літ.: Pabaiskas Касцёл Краіна  Літва Павет Вільнюскі Раён Укмяргскі Сянюнія Пабайскаская Каардынаты 55°10′00″ пн. ш. 24°46′00″ у. д.^HGЯO Ранейшыя назвы Пабойск Насельніцтва 234 чал. (2011) Часавы пояс UTC+2, летам UTC+3 Пабайскас на карце Літвы

Медыяфайлы на Вікісховішчы

Паба́йскас^[1] (літ.: Pabaiskas, традыцыйная беларуская назва — Пабойск) — мястэчка ва Укмяргскім раёне Вільнюскага павета Літвы. Уваходзіць у склад Пабайскаскай сянюніі. Размешчана на рацэ Жырная, за 6 км на поўдзень ад Укмярге. Насельніцтва на 2011 год — 234 чалавекі.

Гісторыя

Вялікае Княства Літоўскае

Першы пісьмовы ўспамін пра Пабойск датуецца 1 верасня 1435 года, калі тут адбылася бітва паміж войскамі Жыгімонта Кейстутавіча і Свідрыгайлы Альгердавіча. У гэты час ён уваходзіў у склад Віленскага павета Віленскага ваяводства.

У 1436 годзе ў Пабойску быў пабудаваны касцёл.

Пад уладай Расійскай імперыі

У выніку трэцяга падзелу Рэчы Паспалітай у 1795 годзе Пабойск апынуўся ў складзе Расійскай імперыі, у Вількамірскім павеце Віленскай губерні.

На 1859 год у Пабойску было 12 будынкаў.

Найноўшы час

Пасля польска-літоўскіх баёў і падпісання пагаднення паміж міжваеннай Польскай Рэспублікай і Літвой у 1919 годзе Пабойск апынуўся ў складзе Літвы. У часы Другой сусветнай вайны з чэрвеня 1941 да 1944 года мястэчка знаходзілася пад акупацыяй Трэцяга Рэйха.

Насельніцтва

• XIX стагоддзе: 1859 год — 129 чал.^[2]
• XXI стагоддзе: 2011 год — 234 чал.

Славутасці

Помнік на месцы бітвы пад Вількамірам

• Касцёл Найсвяцейшай Тройцы (1836)
• Помнік на месцы бітвы пад Вількамірам

Зноскі

1. Напісанне ў адпаведнасці з ТКП 187-2009 (03150) «Спосабы і правілы перадачы геаграфічных назваў і тэрмінаў Літоўскай Рэспублікі на беларускую мову»
2. Krzywicki J. Pobojsk // Słownik geograficzny Królestwa Polskiego i innych krajów słowiańskich. Tom VIII: Perepiatycha — Pożajście (польск.). — Warszawa, 1887. S. 344.

Спасылкі

• На Вікісховішчы ёсць медыяфайлы па тэме Пабайскас
• Пабойск на сайце Radzima.org