Павел Валер’евіч Сітко

Павел Сітко
Поўнае імя	Павел Валер’евіч Сітко
Нарадзіўся	17 снежня 1985(1985-12-17)[1][2] (38 гадоў) Рэчыца, Рэчыцкі раён, Гомельская вобласць, БССР, СССР
Грамадзянства	Беларусь
Рост	184 см
Вага	74 кг
Пазіцыя	паўабаронца
Інфармацыя пра клуб
Клуб	завяршыў кар’еру
Клубная кар’ера[* 1]
2003—2006 Ведрыч-97 (Рэчыца) 39 (5) 2006—2009 Віцебск 65 (9) 2009—2013 Шахцёр (Салігорск) 126 (30) 2014—2015 Гомель 42 (8) 2015 Славія-Мазыр 9 (3) 2016—2017 Гомель 38 (8)
Нацыянальная зборная[* 2]
2008—2013 Беларусь 15 (2)
Узнагароды і медалі
Дзяржаўныя і ведамасныя ўзнагароды
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 9 снежня 2017. Колькасць гульняў і галоў за нацыянальную зборную ў афіцыйных матчах, адкарэктавана станам на 8 сакавіка 2014

Павел Валер’евіч Сітко (нар. 17 снежня 1985, Рэчыца, БССР) — былы беларускі футбаліст, паўабаронца. Ігрок нацыянальнай зборнай Беларусі (2008—2013).

Кар’ера

Клубная

Выхаванец рэчыцкага футбола, потым перайшоў у «Віцебск», дзе дарос да ўзроўня нацыянальнай зборнай.

У 2009 перайшоў у салігорскі «Шахцёр», дзе стаў трывалым іграком асновы. Звычайна выступаў на пазіцыі левага паўабаронцы (мог выступаць як правы або цэнтральны паўабаронца). Асабліва добра ў Паўла атрымаўся пачатак сезону 2013, калі ён доўгі час узначальваў спіс лепшых бамбардзіраў чэмпіянату, але потым, перастаўшы забіваць, саступіў першынство Віталю Радзівонаву.

У снежні 2014 года падпісаў двухгадовы кантракт з «Гомелем»^[3]. У складзе «Гомеля» хутка замацаваўся на пазіцыі левага паўабаронцы. Застаўся ў «Гомелі» і ў сезоне 2015, нягледзячы на фінансавыя праблемы клуба. Стаў адным з лідараў гомельскай каманды, за паўгады забіўшы 4 галы ў чэмпіянаце. У ліпені 2015 года з-за нявыплат з боку клуба звярнуўся ў АБФФ^[4], а неўзабаве па ўзаемнай згодзе пакінуў «Гомель»^[5].

У жніўні 2015 года стаў іграком мазырскай «Славіі»^[6]. Хутка замацаваўся ў якасці асноўнага левага паўабаронцы мазырскага клуба.

У студзені 2016 года зноў стаў іграком «Гомеля», які па выніках сезону 2015 пакінуў Вышэйшую лігу^[7]. Стаў капітанам каманды і ў якасці травалага іграка асновы прывёў «Гомель» да перамогі ў Першай лізе, толькі канец сезону прапусціў з-за траўмы. Пачатак сезону 2017 прапусціў з-за траўмы, пазней замацаваўся ў стартавым складзе на пазіцыі левага паўабаронцы. У другой палове сезону страціў месца ў аснове. У снежні 2017 года па заканчэнні кантракта пакінуў «Гомель»^[8].

Пасля зыходу з гомельскай каманды пакінуў футбол, заняўшыся бізнесам у Рэчыцы^[9].

Міжнародная

З 2008 года выступаў за нацыянальную зборную Беларусі. 15 кастрычніка 2008 года забіў свой першы гол за зборную — у браму зборнай Англіі.

Дасягненні

• 02 Срэбраны прызёр чэмпіянату Беларусі (4): 2010, 2011, 2012, 2013
• Пераможца Першай лігі чэмпіянату Беларусі: 2016

Зноскі

1. Pavel Sitko // Transfermarkt — 2000. Праверана 9 кастрычніка 2017.
   <a href="https://wikidata.org/wiki/Track:Q2449070"></a>
2. Pavel Sitko // FBref.com
   <a href="https://wikidata.org/wiki/Track:Q56239490"></a>
3. Футбол. «Гомель» заключил двухлетние контракты с Павлом Ситко и Николаем Романюком
4. Близнюк, Данилов, Ситко, Савостьянов и Гаврилович обратились в АБФФ с претензиями к «Гомелю»
5. Павел Ситко и Алексей Гаврилович расстались с «Гомелем»
6. Тур 17. Анонс. «Гомелю» грозит снятие очков
7. Павел Ситко подписал однолетний контракт с «Гомелем»
8. Ситко, Афоаква, Адомако и еще четыре игрока покинули "Гомель"
9. Куда пропал Паша Ситко – белорус, забивший обалденный гол в ворота сборной Англии?