Падкова

Сучасная падкова

Падкова — прыстасаванне для абароны капытоў каня.

Прызначэнне

Пры працы каня на цвёрдым грунце рагавыя часткі капытоў хутка зношваюцца. Пры пашкоджанні капытоў конь адчувае боль, пачынае кульгаць, або ўвогуле адмаўляецца ступаць на хворую нагу. Падкова дазваляе засцерагчы капыты ад зносу і абараніць іх ад удараў аб цвёрды грунт. У зімовы час падковы, забяспечаныя шыпамі, паляпшаюць счапленне капытоў з грунтам і прадухіляюць слізгаценне.

У культуры

Забабоны

У некаторых культурах падкова на дзверы лічыцца ахоўным талісманам

Падкова даўно лічыцца сімвалам шчасця. Яна першапачаткова была зроблена з жалеза, з матэрыялу, які, як лічылі, мог адагнаць злых духаў. Многія людзі вераць, што калі павесіць падкову на дзверы з двума канцамі, накіраванымі ўверх, то будзе шчасце ў хаце.

Геральдыка

Падкова актыўна выкарыстоўваецца ў геральдыцы. Яна размешчана на гербах гарадоў і мястэчак, такіх як Дрыбін, Жалудок, Іванава, Касцюковічы, Клічаў, Любча, а таксама на прыватнаўласніцкіх гербах (Далэнга, Дамброва, Крыўда, Лада, Побуг, Слепаўрон і інш.).

Літаратура

• Подко́ва // Т. 20. Плата — Проб. — М. : Советская энциклопедия, 1975. — С. 122—123. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)