Славутасць | |
Палацца дэла Роверэ | |
---|---|
41°54′07″ пн. ш. 12°27′40″ у. д.HGЯO | |
Краіна | |
Месцазнаходжанне | |
Архітэктурны стыль | рэнесансная архітэктура |
Медыяфайлы на Вікісховішчы |
Палацца дэла Роверэ — палац у Рыме, у Італіі, які выходзіць на вуліцу Віа дэла Канчыліяцыёнэ. Таксама вядомы як Палацца дэі Пенітэнцыеры.
Узвядзенне палаца было распачата ў 1480 годзе кардыналам Даменіка дэла Роверэ, сваяком Папы Сікста IV, магчыма па праекце фларэнційскага архітэктара Бачыа Пантэлі. Палац будаваўся паміж 1480 і 1490 гадамі; Пантэлі дакладна паўтарыў архітэктурны стыль Палацца Венецыя, аднаго з найважнейшых будынкаў Рыма XV стагоддзя. Пяць парадных зал цяпер выконваюць ролю афіцыйных прыёмных пакояў Ордэна Святой Труны Гасподняй Іерусалімскай.
Назва Палацца дэі Пенітэнцыеры замацавалася за палацам у часы Папы Аляксандра VII, які размясціў тут папскіх спавядальнікаў, вядомых як penitenzieri. Цяпер у будынку Палацца дэла Роверэ размяшчаюцца гатэль і Ордэн Святой Труны Гасподняй Іерусалімскай.
Будынак мае масіўны фасад, па вобразу Палацца Венецыя, з вежай на левым боку. Імя Даменіка дэла Роверэ напісана на вокнах на першым паверсе, а герб на фасадзе палаца належыць Папе Кліменту XIV.
У інтэр’ер палаца ўваходзіць двухузроўневы двор: ніжні з порцікам і з васьміграннымі калонамі і студняй, і верхні з садам. Палац мае багатае ўнутранае ўбранне. Найбольш вядомай дэталлю інтэр’ера з’яўляецца Скляпенне паўбагоў — галерэя з міфалагічных і алегарычных фігур, створаная мастаком Пінтурык’я ў 1501 годзе.
{{cite book}}
: |author=
складаецца з лічбаў (даведка)