Палачкападобныя вадамеркі (Hydrometridae) — сямейства насякомых атрада паўцвердакрылых.
Цела (даўжыня 7,5—13 мм) палачкападобнае (адсюль назва), тонкае, рыжаватае, пакрыта знізу кароткімі аксаміцістымі валаскамі, не намакае ў вадзе. Галава прадаўгаватая, з патаўшчэннем. Вочы пасярод галавы. Ротавыя органы колюча-сысучыя, хабаток 3-членікавы. Вусікі ніткападобныя, 4-членікавыя, даўжэйшыя за галаву. Ногі доўгія, тонкія, прыблізна ўсе аднолькавай даўжыні, бегальныя ўкрыты валаскамі, што дае магчьшасць насякомым перамяшчацда па плеўцы паверхневага нацяжэпня вады. Лапкі 3-членікавыя. Маюць добра развітыя крылы, але лётаюць рэдка.
Пашыраны ў Еўразіі. У сусветнай фаўне больш за 100 відаў. На Беларусі на паверхпі вады, на лісці водных раслін і па берагах непраточных або слабапраточных вадаёмаў трапляюцца вадамерка звычайная (Hydrometra stagnorum), вадамерка вузкая, або павольная (Hydrometra gracilenta).
Драпежнікі, кормяцца гемалімфай шэрагу насякомых і іншых водных беспазваночных.
Яйцы алкладваюць усё лета на водныя расліны. Развіццё з няпоўным ператварэннем. Лічынкі нагадваюць дарослых насякомых, але меншыя, не маюпь крылаў, лапкі ў іх 1-членікавыя. Цыкл развіцця каля 40 сутак. Зімуюць дарослыя на сушы (пад карой дрэў, у імху).
