Паплін

Паплін
Метад вырабу	палатно^[d][1]

Паплін^[2][3] (ад фр.: popeline або італ.: papalino, што значыць «папскі») — двухбаковая, аднакаляровая або ўзорыстая шаўковая тканіна, утвораная спалучэннем тонкай шчыльнай асновы з больш грубым і рэдкім папярочным утком, якія ўтвараюць дробны рубчыкі^[4]. Шчыльнасць асновы ў 1,5-2 разы вышэй, чым па ўтку. Сваю «папскую» назву тканіна атрымала таму, што першапачаткова выпрацоўвалася ў вядомай рэзідэнцыі Рымскага Папы ў французскім Авіньёне (1309—1411)^[4].

Апісанне

Першапачаткова тканіна была пераважна шаўковай. Сучасны паплін, як правіла, выпрацоўваецца з бавоўны або хімічных валокнаў, радзей — з натуральнага шоўку па аснове ваўнянага ўтка. Выпускаецца як адбеленым, так і афарбаваным. Па спосабе афарбоўвання паплін дзеляць на адбелены, стракататканы, надрукаваны і гладкафарбаваны. Традыцыйна з яго вырабляюць жаночыя сукенкі, мужчынскія кашулі, абрусы, ручнікі і іншыя вырабы. Але часцей за ўсё можна сустрэцца з пасцельнай бялізнай з папліну. Яна, як правіла, вырабляецца з чыстай бавоўны.

Паплінавая пасцельная бялізна мае шэраг добрых якасцяў: яна добра захоўвае форму і колер, мае прыемную навобмацак паверхню, добра ўтрымлівае цяпло і ўбірае вільгаць, амаль не камечыцца. Акрамя гэтага, камплекты пасцельнай бялізны з папліну не патрабуюць спецыяльнага догляду: іх можна сціраць у пральнай машыне пры тэмпературы да +60 ˚С і прасаваць пры тэмпературы да +110 ˚С. Таксама такая пасцельная бялізна, пры ўсіх сваіх высокіх эксплуатацыйных якасцях, каштуе адносна нядорага.

Акрамя звычайнай тканіны з папліну, для пасцельнай бялізны часта выкарыстоўваецца тканіна з эфектам 3D. Эфект 3D дасягаецца за кошт адмысловага дыяганальнага перапляцення нітак матэрыялу, якія ўтвараюць тканіну.

Тканіна характарызуецца як мяккая навобмацак, у параўнанні з оксфардам — больш гладкая па тэкстуры і прыкладна адпаведная ёй па шчыльнасці. Шырока выкарыстоўваецца для пашыву мужчынскіх кашуль^[5].

Зноскі

1. Tortora P. G., Merkel R. S. poplin // Fairchild's Dictionary of Textiles — Fairchild Fashion Media, 1996. — P. 440–441.
   <a href="https://wikidata.org/wiki/Track:Q28888841"></a><a href="https://wikidata.org/wiki/Track:Q28859696"></a><a href="https://wikidata.org/wiki/Track:Q3064526"></a><a href="https://wikidata.org/wiki/Track:Q28888663"></a>
2. Лазука 2015, с. 137.
3. Поплин // Толковый словарь живого великорусского языка  (руск.) : у 4 т. / авт.-сост. В. И. Даль. — 2-е изд.. — СПб. : Типография М. О. Вольфа, 1880—1882.
4. Власов В. Г. Иллюстрированный художественный словарь. — СПб.: Икар, 1993. — С. 173.
5. Polovinkin Sergey, Centeno Antonio, Real Style Real Men. Виды тканей мужских рубашек (сорочек) (нявызн.) (28 снежня 2010). Архівавана з першакрыніцы 10 сакавіка 2013. Праверана 5 сакавіка 2013.

Літаратура

• Лазука, Барыс Андрэевіч. Слуцкія паясы і еўрапейскі тэкстыль XVIII стагоддзя. Малы лексікон / Б. А. Лазука; [фота: Б. А. Лазука, М. П. Мельнікаў]. — Мінск: Беларусь, 2015. — 170, [2] с. : каляр. іл., партр. ; 30 см. Фактычная дата выхаду ў свет ― 2014. ― Бібліяграфія: с. 170―171.
• Поплин // Краткая энциклопедия домашнего хозяйства / под ред. А. И. Ревина. — М.: Советская энциклопедия, 1960. — Т. 2. — С. 482. — 770 с.
• Р. М. Кирсанова. Поплин // Костюм в русской художественной культуре 18 — первой половины 20 вв.: Опыт энциклопедии / под ред. Т. Г. Морозовой, В. Д. Синюкова. — М.: Большая Российская энциклопедия, 1995. — С. 222. — 383 с.: ил. с. — 50 000 экз. — ISBN 5-85270-144-0.
• Р. М. Кирсанова. Поплин // Розовая ксандрейка и драдедамовый платок: Костюм — вещь и образ в русской литературе XIX в. / под ред. Э. Б. Кузьминой. — М.: Книга, 1989. — С. 189. — 286 с. — 55 000 экз. — ISBN 5-212-00130-7.
• Л. В. Беловинский. Поплин // Иллюстрированный энциклопедический историко-бытовой словарь русского народа. XVIII — начало XIX в. / под ред. Н. Ерёминой. — М.: Эксмо, 2007. — С. 513. — 784 с.: — ил. с. — 5 000 экз. — ISBN 978-5-699-24458-4.

Спасылкі

• Поплин // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.