Поль Дэльво
| Поль Дэльво | |
|---|---|
 | |
| Дата нараджэння | 23 верасня 1897[1][2][…] |
| Месца нараджэння | |
| Дата смерці | 20 ліпеня 1994[1][2][…] (96 гадоў) |
| Месца смерці | |
| Месца пахавання | |
| Грамадзянства | |
| Род дзейнасці | мастак, ілюстратар, рысавальнік, мастак-гравёр, акварэліст, скульптар, мастак-манументаліст |
| Вучоба | |
| Член у | |
 Медыяфайлы на Вікісховішчы | |
Поль Дэльво (фр. Paul Delvaux; 23 верасня 1897, Антхейт — 20 ліпеня 1994, Вёрнэ, Заходняя Фландрыя) — бельгійскі мастак, прадстаўнік сюррэалізму.
Жыццё і творчасць
[правіць | правіць зыходнік]Пачаў вывучаць архітэктуру ў Каралеўскай акадэміі прыгожых мастацтваў у Бруселі, дзе з 1916 па 1917 год вывучаў архітэктуру, а з 1918 па 1919 год — манументальны жывапіс, затым перайшоў у клас жывапісу Канстана Манталя. Архітэктура тым не менш назаўжды засталася крыніцай натхнення для Дэльво, у яго палотнах увесь час узнікаюць розныя архітэктурныя элементы.
У пачатковай фазе сваёй творчасці мастак выпрабаваў уплыў неаімпрэсіянізму, затым экспрэсіянізму. У 1932 годзе наведвае музей Шпіцнера падчас Брусельскага кірмашу. У 1934 годзе наведвае ў Бруселі выставу сюррэалістаў «Мінатаўр», якая перавярнула ўсе папярэднія гледжанні Дэльво на мастацтва. Тут ён знаёміцца з Джорджа дэ Кірыко, якія аказалі асаблівы ўплыў на творчасць Дэльво, а таксама з Рэнэ Магрытам, Максам Эрнстам і Сальвадорам Далі. У 1930-я гады Дэльво выстаўляе свае працы сумесна з Магрытам у Палацы прыгожых мастацтваў у Бруселі, а ў 1938 годзе прымае ўдзел у арганізаванай Андрэ Брэтонам і Полем Элюарам Міжнароднай сюррэалістычнай выставе ў Парыжы. У 1939 годзе Дэльво адпраўляецца ў Італію. У 1940 годзе яго работы былі выстаўлены на адной Міжнароднай выставе ў Мехіка, арганізаванай Брэтонам і Пааленам. У тым жа годзе супрацоўнічаў з часопісам Магрыта і Юбака «Калектыўная навіна», які выдаецца ў Бруселі. 1940-1950-я гады — пік творчай кар’еры Дэльво.