Пралеска

Пралеска
Scilla hyacinthoides
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя[1] Клас:  Аднадольныя[2] Парадак:  Спаржакветныя Сямейства:  Спаржавыя Падсямейства:  Scilloideae Трыба:  Hyacintheae Падтрыба:  Hyacinthinae Род:  Пралеска
Міжнародная навуковая назва
Scilla L., 1753
Сістэматыка на Віківідах Выявы на Вікісховішчы ITIS   43028 NCBI   4701 IPNI   30057352-2

У паняцця ёсць і іншыя значэнні, гл. Пралеска (значэнні).

Пралеска (Scilla) — род кветкавых раслін сямейства Спаржавыя (Asparagaceae) (раней адносілі да Лілейныя (Liliaceae)). Часта пралескай называюць пералеску.

Батанічнае апісанне

Шматгадовыя травяністыя цыбульныя расліны вышынёй 10-30 см. Сцябло бязлістае. Лісце шырокалінейнае, прыкаранёвае. Кветкі ў рыхлай гронцы або адзіночныя, сінія, белыя, блакітныя, ружовыя, пурпуровыя. Плод — каробачка. Дэкаратыўныя, ранневеснавыя расліны.

Арэал

Каля 50 відаў. Пашыраны пераважна ў Еўразіі, Міжземнамор'і і Паўднёвай Афрыцы. Растуць у лясах і на субальпійскіх лугах, большасць эфемероіды. На тэрыторыі Беларусі ў культуры пралеска двухлістая (Scilla bifolia) і пралеска сібірская (Scilla sibirica).

Зноскі

1. Ужываецца таксама назва Пакрытанасенныя.
2. Пра ўмоўнасць аднясення апісванай у гэтым артыкуле групы раслін да класа аднадольных гл. раздзел «Сістэмы APG» артыкула «Аднадольныя».

Літаратура

• Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — 576 с. — 10 000 экз. — ISBN 985-11-0035-8. — ISBN 985-11-0198-2 (т. 12).

Спасылкі

• Пролеска — род Scilla: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Scilla Архівавана 5 верасня 2017. (англ.) // The Plant List