Пухаеды

Пухаеды
Валасаед кашэчы (Felicola subrostratus)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Атрад:  Пухаеды
Міжнародная навуковая назва
Mallophaga Nitzsch, 1818
Пошук выяў на Вікісховішчы ITIS   103337

Пухаеды (Mallophaga) — атрад (падатрад) насякомых.

Апісанне

Даўжыня да 11 мм. Цела пляскатае, бяскрылае, укрытае шчацінкамі, жоўта-карычневае. Вочы рэдукаваныя. Вусікі кароткія, 3—5-членікавыя. Ротавыя органы грызучыя. Кормяцца пер’ем, валасамі, арагавелымі часцінкамі і эпідэрмальнымі лускавінкамі скуры, крывёю.

Арэал

Адрозніваецца 2 падатрады: пухаеды сапраўдныя (Amblycera) і пёра- і валасаеды (Ischnocera). Існуе каля 3 тысяч відаў. Пашыраны ўсюды.

Значэнне

Паразіты млекакормячых (валасаеды) і птушак (пер’яеды). Жывуць на пёрах, валасах, скуры, унутры стрыжня пяра, у роце гаспадароў. Большасць прыстасавана да пэўных гаспадароў; пры масавым заражэнні зніжаюць іх жыццяздольнасць. На Беларусі каля 20 відаў, найбольш трапляюцца пер’яед галубіны, пер’яед качыны, пер’яед курыны, валасаед кашэчы, валасаед сабачы.

Раздзельнаполыя. Развіццё з няпоўным ператварэннем.

Зноскі

Літаратура

• Максімава С. Пухаеды // БЭ ў 18 т. Т. 13. Мн., 2001.

Гл. таксама

• Trichodectidae