Пячора Пілета
.gif)
Пячора Пілета (ісп.: Cueva de la Pileta) — пячора ў муніцыпалітэце Бенаахан, правінцыя Малага, Іспанія.
У пячоры Пілета, названай ад аднайменнага ўзгорка, дзе яна знаходзіцца, знаходзяцца насценныя малюнкі ў франка-кантабрыйскім стылі, якія паказваюць аленяў, коней, рыб, коз, быкоў, цюленя, бізона, абстрактныя знакі і фігуры з незразумелым сэнсам.
Частка малюнкаў датуецца эпохай палеаліту, частка — неаліту. Малюнкі ў пячоры выявіў у 1905 годзе Хасэ Бульён Лабата, пазней яе даследавалі археолагі Уілаўбі Вернер, Анры Брэйль і Хуга Абермаер.
Акрамя петрогліфаў у пячоры таксама знайшлі чорныя схематычныя фігуры эпохі энеаліту і рэшткі неалітычных вырабаў (кераміка — размаляваная і з насечкамі). Пячора з’яўляецца турыстычнай славутасцю.