Пётр Іванавіч Пачанчук

Пётр Іванавіч Пачанчук
Пол мужчынскі пол
Спецыялізацыя лёгкая атлетыка
Нарадзіўся 26 ліпеня 1954(1954-07-26)[1]
Памёр 1 снежня 1991(1991-12-01) (37 гадоў)
Пахаванне
Грамадзянства
Рост 178 см[2]
Вага 70 кг[2]

Пётр Іванавіч Пачанчук (нар. 15 лютага 1945, в. Ляхаўцы Маларыцкага раёна Брэсцкай вобласці — 1 снежня 1991) — беларускі спартсмен, рэкардсмен свету і Еўропы, сярэбраны прызёр ХХII Алімпійскіх гульняў па спартыўнай хадзьбе на дыстанцыі 20 км (1980, Масква).

Біаграфія

[правіць | правіць зыходнік]

Нарадзіўся 26 ліпеня 1954 года ў сялянскай сям’і ў вёсцы Ляхаўцы (па іншых звестках у вёсцы Отчын) Маларыцкага раёна Брэсцкай вобласці.

Пасля школы ў 1971 годзе паступіў у Гродзенскі тэхнікум фізічнай культуры, дзе стаў займацца ў заслужанага трэнера БССР Барыса Рыгоравіча Драздова. У 1973 годзе паступіў на гістарычны факультэт Гродзенскага педагагічнага інстытута імя Я. Купалы, які паспяхова закончыў у 1978 годзе. У інстытуце працягваў спецыялізавацца па спартыўнай хадзьбе, на вучобу і спорт у яго часу хапала. Выканаў нарматыў майстра спорту і атрымаў званне «Майстар спорту СССР міжнароднага класа» (1975).

Пасля ўніверсітэта ў Пятра Пачанчука была служба ў Савецкай Арміі, дзе стаў лейтэнантам. Адначасова са службай — член зборнай СССР (1977—1984). Спартсмен аб’ехаў увесь свет: тройчы наведаў Мексіку, двойчы — Іспанію, выступаў на спаборніцтвах у ЗША, Японіі, Канадзе, Швецыі, Фінляндыі, Англіі, ФРГ, дзесяткі разоў у сацыялістычных краінах.

У 1989 годзе скончыў двухгадовую Вышэйшую школу трэнераў у Маскве і вярнуўся ў Гродна. Месцам працы трэнера-выкладчыка вышэйшай катэгорыі стала кафедра фізічнага выхавання, а пазней кафедра тэорыі і методыкі фізічнай культуры Гродзенскага ўніверсітэта імя Я. Купалы.

Трагічна загінуў 1 снежня 1991 года. Пахаваны на гарадскіх могілках у г. Гродна.

Узнагароды

[правіць | правіць зыходнік]

Сярэбраны прызёр ХХII Алімпійскіх гульняў (1980, Масква) на дыстанцыі 20 км. Сярэбраны прызёр Кубка свету (1979, г. Эшбор. Германія). Сярэбраны прызёр чэмпіянату Еўропы (1978, Прага). Пераможца матчаў юніёрскіх зборных СССР — ЗША (1973), СССР — Польшча (1973). Уладальнік Кубка СССР (1980) у хадзьбе на 30 км, шматразовы ўладальнік Кубка Беларусі. Неаднаразовы прызёр чэмпіянатаў СССР, пераможца і прызёр першынстваў Узброеных Сіл СССР. Рэкардсмен свету на дыстанцыі 10 км — 40.37.0 (1977). Лепшы вынік у хадзьбе на 20 км 1:20.28,0. Рэкардсмен Еўропы на дыстанцыі 30 км — 2.16.00,5 (1979).

Памяць

[правіць | правіць зыходнік]

Беларускай федэрацыяй па лёгкай атлетыцы з 1992 года ў Гродна праводзяцца штогадовыя мемарыялы Пятра Пачанчука па спартыўнай хадзьбе. Апошнія па часе спаборніцтвы — ХХІІ Міжнародны мемарыял памяці П. І. Пачанчука — адбыліся 5 кастрычніка 2013 года.

Зноскі

  1. ↑ Pyotr Pochenchuk // World Athletics database
  2. ↑ а б https://www.sports-reference.com/olympics/athletes/po/pyotr-pochinchuk-1.html

Літаратура

[правіць | правіць зыходнік]
  • Петр Иванович Поченчук // Фізкультура і спорт Беларусі / В. І. Анікін, В. С. Аносаў, М. Я. Бабец і інш. Мінск : Беларуская савецкая энцыклапедыя імя П. Броўкі, 1982. С. 93. (Энцыкл. бібліятэка «Беларусь»).
  • У Брэсце закладзена алея Алімпійскай славы : [на закладцы алеі Алімпійскай славы прысутнічалі і ўдзельнічалі ўдава сярэбранага прызёра Алімпіяды-80 маларыцкага легкаатлета П. І. Пачанчука Ала Пачанчук і яго трэнер Васіль Хапаль] // Голас часу (Маларыта). 2011. 12 лістап. C. 8.
  • Германюк, М. Ф. Былое і сенняшнее маларыцкага спорту / Мікалай Фёдаравіч Германюк // Голас часу (Маларыта). 1995. 12 жн.
  • Філатаў, Л. Зямля родная, зямля спартыўная : нарыс [аб спартыўным жыцці Маларытчыны] / Л. Філатаў // Сельскае жыццё (Маларыта). 1983. 3 верас.