Рафаэл Ледэсма

Футбол
Рафаэл Ледэсма
Поўнае імя Рафаэл Пампеу Радрыгіс Ледэсма
Нарадзіўся 31 снежня 1982(1982-12-31) (41 год)
Грамадзянства  Бразілія
Рост 179 см
Вага 76 кг
Пазіцыя паўабаронца
Інфармацыя пра клуб
Клуб завяршыў кар’еру
Клубная кар’ера[* 1]
2003—2004 Бразілія Жувентуды 38 (6)
2004 →  Бразілія Фламенгу 2 (1)
2004—2005 Партугалія Акадэміка (Каімбра) 16 (2)
2005—2006 Партугалія Эштрэла (Амадора) 4 (0)
2006 Бразілія Атлетыку Мінейру 2 (0)
2006—2008 Літва Каўнас 46 (35)
2009—2011 Беларусь Партызан (Мінск) 30 (4)
2011 →  Беларусь Дынама (Мінск) 24 (6)
2012—2013 Літва Судува (Марыямпале) 40 (23)
2013—2014 Рэспубліка Кіпр Этнікас (Ахна) 24 (2)
2014—2015 Мальта Біркіркара 27 (13)
2015—2016 Мальта Сліма Уондэрэрс 19 (3)
2016 →  Мальта Валета 10 (1)
2016 Мальта Гзіра Юнайтэд 13 (1)
2017 Латвія Елгава 12 (2)
2017—2018 Беларусь Віцебск 26 (7)
2018 Мальта Сан-Гван 4 (1)
2019 Літва Панявежыс 28 (6)
2020—2021 Мальта Араторы Юс (Вікторыя)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 26 красавіка 2023.

Рафаэл Пампеу Радрыгіс Ледэсма[1] (нар. 31 снежня 1982, Порту-Алегры, Бразілія) — бразільскі футбаліст, паўабаронца.

Клубная кар’ера

[правіць | правіць зыходнік]

Пачынаў прафесійную кар’еру ў бразільскім клубе «Жувентуды». У 2004—2006 гадах выступаў у Партугаліі, пасля чаго на кароткі час вярнуўся ў Бразілію, каб потым перабрацца ў склад літоўскага «Каўнаса», разам з якім двойчы стаў чэмпіёнам Літвы, у 2008 годзе стаў таксама найлепшым бамбардзірам чэмпіянату.

У 2009 годзе перабраўся ў беларускі клуб МТЗ-РІПА (у наступным годзе змяніў назву на «Партызан»), які меў партнёрскія адносіны з «Каўнасам». Па выніках сезона 2010 года «Партызан» страціў месца ў Вышэйшай лізе, і ў сувязі з забаронай для легіянераў на выступ у Першай лізе Ледэсма быў аддадзены ў арэнду мінскаму «Дынама», дзе стаў адным з лідараў каманды.

Па заканчэнні сезону 2011 года «Партызан» спыніў існаванне, і Рафаэл вярнуўся ў Літву, дзе ў сезоне 2012 забіў 20 галоў у чэмпіянаце ў складзе «Судувы». У сезоне 2013/14 гуляў на Кіпры за клуб «Этнікас», а ўлетку 2014 года перабраўся на Мальту, дзе ў складзе розных клубаў стаў чэмпіёнам, уладальнікам Кубка і Суперкубка Мальты.

У першай палове 2017 года выступаў у Латвіі за «Елгаву». У ліпені 2017 года прыбыў на прагляд у беларускі клуб «Віцебск», з якім у выніку падпісаў кантракт[2]. У складзе «Віцебска» стаў іграком асновы, у сезоне 2017 у 14 матчах забіў 5 галоў, пераважна ўдарамі са штрафных. У першай палове 2018 года заставаўся адным з лідараў каманды, спрыяў яе знаходжанню ўверсе турнірнай табліцы. У ліпені 2018 года па пагадненні бакоў пакінуў віцебскі клуб[3].

У верасні 2018 года далучыўся да клуба «Сан-Гван» з другога дывізіёна Мальты[4]. У студзені 2019 года перайшоў у літоўскі «Панявежыс»[5], дзе гуляў да канца сезона 2019. У ліпені 2020 года зноў апынуўся на Мальце, папоўніўшы склад клуба «Араторы Юс», дзе і завяршыў кар’еру летам 20211 года.

Дасягненні

[правіць | правіць зыходнік]

Зноскі

  1. ↑ Напісанне ў адпаведнасці з партугальска-беларускай практычнай транскрыпцыяй
  2. ↑ Ледесма перешел в «Витебск»
  3. ↑ Ледесма покинул «Витебск»
  4. ↑ Рафаэл Ледесма променял «Витебск» на аутсайдера второго дивизиона …Мальты
  5. ↑ Рафаэл Ледесма стал одноклубником белорусского полузащитника в литовском клубе