Росхальдэ

Росхальдэ
ням.: Roßhalde
Аўтар Герман Гесэ
Мова арыгінала нямецкая
Дата напісання 1912
Дата першай публікацыі 1914[1]
Наступны Кнульп

«Росхальдэ»[2] (ням.: Roßhalde) — раман Германа Гесэ, упершыню апублікаваны ў 1913 годзе.

Сюжэт

[правіць | правіць зыходнік]

Дзеянне рамана адбываецца ў маёнтку Росхальдэ, дзе жыве вядомы мастак Іаган Верагут разам з жонкай Адэль і сямігадовым сынам П'ерам. З-за пастаянных спрэчак у сям'і Іаган змушаны адправіць старэйшага сына Альберта вучыцца ў іншы горад і пакінуць дом сваёй жонцы, сам пры гэтым пасяліўшыся ў майстэрні. Адзінай ніткай, якая звязвае Верагутаў, з'яўляецца маленькі П'ер.

Аднойчы ў маёнтак прыязджае лепшы сябар Іагана Ота Буркхарт, які ужо некалькі гадоў жыве ў Індыі. Буркхарт даўно плануе запрасіць Верагута пагасціць да сябе, але мастаку неабходна некаторы час на завяршэнне некалькіх задуманых работ у Росхальдэ, перад тым як адправіцца ў падарожжа.

Усё лета Іаган працуе над сваімі палотнамі. П'ер кідаецца паміж домам і майстэрняй, не знаходзячы нідзе належнай да сябе ўвагі, бо маці шмат часу праводзіць з Альбертам, які прыехаў на вакацыі, а бацька цалкам заняты жывапісам. Але пасля таго як хлопчык захворвае на запаленнем мозгу, Іаган і Адэль, кінуўшы ўсё, праводзяць дні і ночы побач з ложкам сына, у чаканні паляпшэнняў яго стану. Пастаянныя болі мучаць П'ера, і, у рэшце рэшт, сэрца дзіцяці спыняецца. Пасля смерці сына Верагута ўжо больш нічога не трымае ў Росхальдэ.

Крыніцы

[правіць | правіць зыходнік]
  1. ↑ Kindlers Literatur Lexikon — Kindler Verlag.
  2. ↑ Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5). — артыкул Герман Гесэ