Рымскі ўніверсітэт «Ла Сапіенца»

Не блытаць з Дыстанцыйны ўніверсітэт «UNITELMA Сапіенца».

Рымскі ўніверсітэт «Ла Сапіенца»
італ.: Università degli Studi di Roma "La Sapienza"
Заснаваны	1303
Студэнты	100 155[1]
Краіна	Італія[2]
Размяшчэнне	Рым
Сайт	uniroma1.it/it/ (італ.) uniroma1.it/en/ (англ.)
Медыяфайлы на Вікісховішчы

Франчэска Бараміні. Царква Сант-Іва-ала-Сапіенца.

Рымскі ўніверсітэт Ла Сапіенца (італ.: Universita degli studi di Roma La Sapienza) — універсітэт, заснаваны ў Рыме Папай Баніфацыем VIII у 1303 годзе. Гэта была другая навучальная ўстанова ў «вечным горадзе» і, у адрозненне ад тэалагічнай школы пры папскім двары (заснаванай у 1244 годзе), яно прызначалася для людзей свецкіх.

Пасля разграблення Рыма імперцамі Леў X аб’яднаў абодва ўніверсітэта пад адным дахам у будынку пад назвай «мудрасць» (La Sapienza). Гэта слова выкарыстоўваецца для абазначэння Рымскага ўніверсітэта дагэтуль. Жамчужынай універсітэцкага гарадка з’яўляецца барочная царква Сант-Іва ала Сапіенца з мудрагелістым спіралепадобным завяршэннем у выглядзе штопара ці барановага рога — агульнапрызнаны шэдэўр Франчэска Бараміні.

У наш час лік студэнтаў Рымскага ўніверсітэта перавышае 147 тысяч. У розны час у Сапіенцы выкладалі і працавалі:

• хімік С. Каніцара,
• геометр Э. Бельтрамі,
• матэматык В. Вальтэра,
• фізік Э. Фермі,
• геометр Ф. Северы,
• фізік Э. Амальдзі,
• гісторык Р. Б’янкі-Бандзінелі,
• сацыёлаг Франка Ферароці,
• пісьменнік Прэдраг Мацвеевіч,
• усходазнавец Іосіф Алаізій Асемані.

Сярод выпускнікоў Універсітэта — урач і педагог Марыя Мантэсоры, пісьменнік Габрыэле д’Анунцыа, кінарэжысёр Бернарда Берталучы, астраном Вінчэнца Чэрулі, семіёлаг і пісьменнік Рэната Прада Арапеса

Зноскі

1. http://ustat.miur.it/dati/didattica/italia/atenei-statali/sapienza
2. Directory of Open Access Journals — 2003.
   <a href="https://wikidata.org/wiki/Track:Q1227538"></a>

Спасылкі

• Афіцыйны сайт Рымскага ўніверсітэта