Рэджа-ды-Калабрыя (правінцыя)

Рэджа-ды-Калабрыя
італ.: Provincia di Reggio Calabria
Герб Сцяг
Краіна	Італія
Уваходзіць у	Калабрыя
Адміністрацыйны цэнтр	Рэджа-дзі-Калабрыя
Дата скасавання	31 снежня 2014
Глава	Джузэпэ Рафа^[d]
Насельніцтва	522 127 чал. (31 снежня 2022)
Плошча	3 210,37 км²
Часавы пояс	UTC+1 і UTC+2
Код аўтам. нумароў	RC
Афіцыйны сайт
Медыяфайлы на Вікісховішчы

Рэджа-ды-Калабрыя (італ.: Provincia di Reggio Calabria, сіц.: pruvincia di Riggiu Calabbria) — скасаваная правінцыя ў Італіі, у рэгіёне Калабрыя. З 2016 года на яе месцы ўтвораны метрапалітэнскі горад Рэджа-ды-Калабрыя. Правінцыя размешчана паміж Іанічным морам на ўсходзе і Тырэнскім морам на поўдні і на захадзе на беразе Месінскага праліва. Узбярэжжа Тырэнскага мора носіць назву Costa Viola з-за колеру мора падчас заходу. На поўнач ад Рэджа-ды-Калабрыі знаходзяцца правінцыі Віба-Валентыя і Катандзара.

Правінцыя пакрыта лясамі з пераважна каштанамі, бярозамі, каменнымі дубамі, піхтамі. Рэчышча горных рэк і прыбярэжныя скалы пакрыты папаратнікавымі, дрокавымі, сунічнымі дрэвамі, міртамі, алеандрамі, індыйскай апунцыяй. Горныя патокі на беразе Тырэнскага мора з’яўляюцца характэрнай асаблівасцю рэгіёна.

Большую частку правінцыі займае нацыянальны парк Аспрамонтэ, які выходзіць як да Тырэнскага, так і да Іанічнага мораў.