Сава (рака)

Сава
харв. Sava
Характарыстыка
Даўжыня	945 км
Басейн	95 719 км²
Расход вады	1 722 м³/с
Вадацёк
Выток
• Вышыня	1222 м
• Каардынаты	46°20′39″ пн. ш. 14°09′19″ у. д.^HGЯO
Вусце	Дунай
• Вышыня	67 м
• Каардынаты	44°49′54″ пн. ш. 20°26′59″ у. д.^HGЯO
Размяшчэнне
Водная сістэма	Дунай → Чорнае мора
Краіна	Славенія  Харватыя  БіГ  Сербія
— выток, — вусце
Медыяфайлы на Вікісховішчы

Месца ўпадзення Савы ў Дунай

Сава (сербск.: Сава, славенск.: Sava, харв.: Sava, венг.: Szava) — рака ў паўднёва-ўсходняй Еўропе, правы прыток Дуная. Даўжыня ракі — 945 км, плошча басейна — 95 719 км².

Працякае па тэрыторыі Славеніі, Харватыі, Босніі і Герцагавіны (утвараючы яе паўночную мяжу) і Сербіі.

Сава бярэ свой пачатак у гарах Славеніі на паўночны захад ад Любляны ў месцы зліцця двух рэк — Сава Далінска (Sava Dolinska) і Сава Бахінска (Sava Bohinjska), упадае ў Дунай у межах Бялграда.

Суднаходная на працягу 593 км. ад г. Сісак у Харватыі да вусця.

Буйныя прытокі:

• Правыя — Любляніца, Мірна, Крка (Славенія); Купа, Уна (Харватыя), Врбас, Босна (Боснія), Дрына (мяжа Сербіі і Босніі і Герцагавіны), Колубара (Сербія).
• Левыя — Камнішка Быстрыца, Савінья (Славенія), Сутла, Лонья (Харватыя), Босут (Сербія).

Найбуйны прыток — Дрына.

На рацэ размешчаныя шматлікія гарады:

• Славенія — Крань, Любляна, Літыя (Litija), Сеўніца (Sevnica), Кршко (Krško), Брэжыцэ (Brežice), Загор'е аб Саві (Zagorje ob Savi), Храстнік (Hrastnik).
• Харватыя — Заграб (Zagreb), Сісак (Sisak).

У месцы, дзе Сава з'яўляецца мяжой паміж Харватыяй і Босніяй і Герцагавінай, на ёй размешчана некалькі «парных» гарадоў на абедзвюх баках ад ракі:

• Харватыя/Боснія і Герцагавіна — Стара Градзішка (Stara Gradis(ka)/Градзішка (Gradiška), Давор (Davor)/Србац (Srbac), Славонскі Брод (Slavonski Brod)/Басанскі Брод (Bosanski Brod), Жупанья (Županja)/Араш'е (Orašje), Гунья (Gunja)/Брчко (Brčko).
• Сербія — Срэмска Мітравіца, Бялград.

Нягледзячы на тое, што Любляна была заснаваная на берагах прытоку Савы — Любляніцы, новыя кварталы горада падыходзяць да Савы, што дазваляе казаць аб тым, што Сава злучае тры сталіцы — Любляну, Заграб і Бялград. Рака мае вялікае транспартнае значэнне.

Гл. таксама

• Міжнародная камісія па рацэ Сава

Літаратура

• Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 49. — 10 000 экз. — ISBN 985-11-0035-8. — ISBN 985-11-0238-5 (т. 14).