Салеевыя, касаротыя, правабаковыя марскія языкі (Soleidae) — сямейства рыб атрада камбалападобных.
Каля 30 родаў, некалькі дзясяткаў відаў.
Пашыраны пераважна ў трапічных і субтрапічных морах (у Міжземным і Чорным морах трапляюцца касарот і салея насатая), некаторыя віды — у прэсных водах. Жывуць у прыбярэжнай зоне.
Даўжыня да 60 см, маса да 4 кг. Цела падоўжанае, языкападобнае. Пярэдні край галавы закруглены і выдаецца над рылам. Вочы ў солеевых на правым боку. Ротавая шчыліна вузкая, скошаная на левы бок. Спінны і анальны плаўнікі большай часткай не злітыя з хваставым.
Кормяцца доннымі беспазваночнымі, дробнай рыбай.
Аб'ект промыслу.
