Самія Сулуху

Самія Сулуху
суахілі: Samia Suluhu Hassan
6-ы прэзідэнт Танзаніі[d]
з 19 сакавіка 2021
Папярэднік Джон Магуфулі
Нараджэнне 27 студзеня 1960(1960-01-27) (65 гадоў)
Дзеці Wanu Hafidh Ameir[d]
Веравызнанне іслам
Партыя
Адукацыя
Узнагароды
Лагатып Вікісховішча Медыяфайлы на Вікісховішчы

Самія Хасан Сулуху (суахілі: Samia Hassan Suluhu; нар. 27 студзеня 1960) — танзанійскі палітык, якая прадстаўляе партыю Чама Ча Мапіндузі. Яна стала першай у гісторыі Танзаніі жанчынай, што заняла пасаду віцэ-прэзідэнта — пасля ўсеагульных выбараў 2015 года пры прэзідэнце Джоне Магуфулі[1], а таксама першая жанчына на пасадзе прэзідэнта краіны (з 2021)[2][3].

Была дэпутатам парламента з 2010 па 2015 год і дзяржаўным міністрам у кабінеце віцэ-прэзідэнта па пытаннях Саюза з 2010 года. Да гэтага яна займала пасаду міністра ў напалову аўтаномным рэгіёне Занзібар у адміністрацыі прэзідэнта Аману Каруме. У 2014 годзе была абрананамеснікам старшыні Устаноўчага сходу, якому даручана было падрыхтаваць праект новай Канстытуцыі краіны.

Біяграфія

[правіць | правіць зыходнік]

Сулуху нарадзілася ў Султанаце Занзібар. Пасля завяршэння вучобы ў 1977 годзе была прынятая на працу клеркам у Міністэрства планавання і развіцця. У 1986 годзе скончыла інстытут развіцця менеджменту (цяпер Універсітэт Мзумбе) з дыпломам у вобласці дзяржаўнага кіравання.

Затым яна працавала на праекце, фінансаваным Сусветнай харчовай праграмай. Паміж 1992 і 1994 гадамі яна вучылася ва Універсітэце Манчэстэра, выпусціўшыся са ступенню магістра ў галіне эканомікі. У 2015 годзе атрымала ступень магістра ў галіне эканамічнага развіцця з дапамогай сумеснай праграмы Адкрытага ўніверсітэта Танзаніі і Універсітэта Паўднёвага Нью-Гэмпшыра.

Палітыкай занялася ў 2000 годзе. Была абрана ў Палату прадстаўнікоў Занзібара і атрымала міністэрскі партфель ад прэзідэнта Амані Карумэ, стаўшы адзінай высокапастаўленай жанчынай у яго кабінеце. Пасля перавыбрання ў 2005 годзе зноў была прызначаная міністрам, але ўжо на іншую пасаду.

У 2010 годзе была абрана ў Нацыянальны сход ад акругі Макундучы, атрымаўшы больш за 80 % галасоў[4]. Прэзідэнт Джакая Кікветэ прызначыў яе міністрам па справах Саюза[5].

У ліпені 2015 года кандыдат у прэзідэнты ад кіруючай сацыялістычнай партыі Чама Ча Мапіндузі Джон Магуфулі назваў яе сваім напарнікам на выбарах 2015 года[6]. Іх тандэм перамог на прэзідэнцкіх выбарах[7].

18 сакавіка 2021 года пасля смерці Джона Магуфулі стала новым прэзідэнтам.

У верасні 2021 года Самія Сулуху пацвердзіла, што мае намер балатавацца ў прэзідэнты ў 2025 годзе і такім чынам стаць першай абранай жанчынай-прэзідэнтам краіны, калі яна пераможа.

Зноскі

  1. ↑ Member of Parliament CV(недаступная спасылка). Parliament of Tanzania. Архівавана з першакрыніцы 13 ліпеня 2015. Праверана 19 February 2013.
  2. ↑ Самия Хасан Сулуху вступила в должность президента Танзании. ТАСС (19 сакавіка 2021). Архівавана з першакрыніцы 22 верасня 2021. Праверана 19 сакавіка 2021.
  3. ↑ В Танзании президентом впервые стала женщина (руск.). РБК (19 сакавіка 2021). Архівавана з першакрыніцы 19 сакавіка 2021. Праверана 19 сакавіка 2021.
  4. ↑ Mwakyusa, Alvar (18 September 2014). "Tanzania: Samia Suluhu Hassan – a Tough Journey From Activism to Politics". AllAfrica. Праверана 16 November 2016.
  5. ↑ "Tanzania: History Made as Samia Picked Running Mate". AllAfrica. 13 July 2015. Праверана 16 November 2016.
  6. ↑ Mgombea mwenza Urais 2015 wa Mhe. John Pombe Magufuli ni..(нявызн.). Твітэр (12 ліпеня 2015). Праверана 12 July 2015.
  7. ↑ Kalinaki, K. Daniel (30 October 2015). "CCM's John Magufuli declared Tanzania fifth president". The East African. Праверана 31 October 2015.

Спасылкі

[правіць | правіць зыходнік]