Севастопальскі бульвар (Парыж)

Севастопальскі бульвар
Севастопальскі бульвар побач з плошчай Шатле
Каналізацыя пад Севастопальскім бульварам у пачатку XX стагоддзя

Севастопальскі бульвар (фр.: Boulevard de Sébastopol) у Парыжы — адна з галоўных транспартных артэрый горада. У пачатку яна раздзяляе 1-ю і 2-ю акругі французскай сталіцы, а затым 3-ю і 4-ю. Названы ў гонар перамогі Францыі пры аблозе Севастопаля ў рамках Крымскай вайны.

Апісанне

[правіць | правіць зыходнік]

Даўжыня бульвара складае 1332 метры, а шырыня — 30. Ён пачынаецца ад плошчы Шатле, ідзе на поўнач і працягваецца Страсбургскім бульварам. Складаецца з трох аўтамабільных і адной аўтобуснай палос. Хоць тут і размешчана некалькі рэстаранаў і мноства буцікоў, Севастопальскі бульвар не з’яўляецца папулярным месцам для вольнага часу, у адрозненне ад кварталаў Марэ і Ле-Аль, паміж якімі ён знаходзіцца.

Бульвар перасякае наступныя вялікія вуліцы:

  • Вуліца Рывалі (Rue de Rivoli)
  • Вуліца Эцьена Марселя (Rue Étienne Marcel) і вуліца Ру оз Урс (Rue aux Ours)
  • Вуліца Цюрбіго (Rue de Turbigo)
  • Вуліца Рэамюра (Rue Réaumur)

Літаратура

[правіць | правіць зыходнік]
  • Marquis Félix de Rochegude (Marie Joseph Edouard Félix de Robert d'Aquéria, Marquis de Rochegude). Promenades dans toutes les rues de Paris par arrondissements. Librairie Hachette et Cie, Paris, 1910.