Смарганец шарсцісты

Смарганец шарсцісты
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Метлюжкакветныя Сямейства:  Метлюжковыя Падсямейства:  Pooideae Трыба:  Poeae Падтрыба:  Айравыя Род:  Смарганец Від:  Смарганец шарсцісты
Міжнародная навуковая назва
Holcus lanatus L., Sp. Pl. 2: 1048 (1753)
Сістэматыка на Віківідах Выявы на Вікісховішчы ITIS   41773 NCBI   29679 EOL   1114971 GRIN   t:19209 IPNI   405034-1 TPL   kew-419046

Смарганец шарсцісты^[1] (Holcus lanatus) — від кветкавых раслін роду Смарганец (Holcus) сямейства Метлюжковыя (Poaceae). Тыпавы від роду.

Батанічнае апісанне

Батанічная ілюстрацыя з кнігі К. А. М. Ліндмана «Bilder ur Nordens Flora», 1917—1926

Шматгадовая травяністая расліна вышынёй да 80^[1] см. Утварае дзярніну. Сцяблы прамастойныя, у вузлах і пад імі, а таксама лісце, апушаныя. Лісце простае, суцэльнае, лінейна-ланцэтнае, сядзячае, з завостранай верхавінкай і гладкім краем. Суквецце — мяцёлка даўжынёй каля 10 см. Асцюкі кароткія, кручкападобна сагнутыя. Плод — зярняўка.

Распаўсюджанне і экалогія

Расліна распаўсюджана ў Еўропе, умераных абласцях Азіі і Паўночнай Афрыкі, на Канарскіх астравах і востраве Мадэйра^[2]. Натуралізавалася ў розных рэгіёнах свету^[2]. Святлолюбівая расліна, мезафіт і мезатроф^[3]. Расце на лугах, узлесках і палянах, аблогах, пустках, пашах і агародах, каля дарог.

Гаспадарчае значэнне

Кармавая і газонная расліна. Вырошчваецца ў Чылі, Бутане, Аўстрыі, Аўстраліі, Бразіліі, Чылі^[2].

Зноскі

1. Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.
2. Taxon: Holcus lanatus L. (англ.) // Germplasm Resources Information Network (GRIN-Taxonomy)
3. Бухарник шерстистый: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)

Літаратура

• Кудрашова М. Г. Смарганец // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — С. 550. — 599 с., іл. — 10 000 экз.
• Бухарник шерстистый // Флора СССР. В 30-ти томах / Главный редактор акад. В. Л. Комаров; Редакторы тома Р. Ю. Рожевиц и Б. К. Шишкин. — М.—Л.: Издательство Академии Наук СССР, 1934. — Т. II. — С. 238—239. — 778 + XXXIII с. — 5 175 экз.

Спасылкі

• Бухарник шерстистый: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Бухарник шерстистый // ФГБУ «Россельхозцентр» (руск.)
• Бухарник шерстистый, бухарник йоркширский — Holcus lanatus L. // «Мегаэнциклопедия Кирилла и Мефодия» megabook.ru(недаступная спасылка) (руск.)