Спартак Васілевіч Мішулін

Спартак Васілевіч Мішулін
руск.: Спартак Васильевич Мишулин
Дата нараджэння	22 кастрычніка 1926(1926-10-22)[1]
Месца нараджэння	Масква, Маскоўская губерня, РСФСР, СССР
Дата смерці	17 ліпеня 2005(2005-07-17) (78 гадоў)
Месца смерці	Масква, Расія
Месца пахавання	Ваганькаўскія могілкі
Грамадзянства	СССР  Расія
Дзеці	Karina Mishulina^[d]
Прафесія	акцёр, кінаакцёр
Гады актыўнасці	з 1960
Прэміі
Узнагароды
IMDb	ID 0592806

Спартак Васілевіч Мішулін (22 кастрычніка 1926(1926-10-22)^[1], Масква — 17 ліпеня 2005(2005-07-17), Масква) — расійскі акцёр. Народны артыст Расіі (1981).

Біяграфія

Скончыў тэатральную студыю пры Калінінскім абласным драматычным тэатры (1950). З 1949 у Калінінскім, Омскім тэатрах, з 1961 у Маскоўскім тэатры сатыры.

Камедыйны акцёр. Яго мастацтва іранічнай характарыстыкі персанажа, эмацыянальная выразнасць, тэмперамент, дакладны адбор выразных сродкаў выявіліся ў ролях: Скаромны («Таблетка пад язык» А. Макаёнка), Астап Бендэр («Дванаццаць крэслаў» паводле І. Ільфа і Я. Пятрова), Скапэн («Хітрыкі Скапана» Мальера), Пічэм («Трохграшовая опера» Б. Брэхта), Стары («Шчаслівая падзея» С. Мрожака), Хлынаў («Гарачае сэрца» Астроўскага), Тузенбах («Тры сястры» А. Чэхава), Сяргей («Іркуцкая гісторыя» А. Арбузава), Калабушкін («Самазабойца» М. Эрдмана), Карлсан («Малыш і Карлсан, які жыве на даху» паводле А. Ліндгрэн) і інш. Здымаецца ў кіно: «Белае сонца пустыні» (1970), «Канец начнога злодзея», «Уласнасць рэспублікі» (абодва 1972), «Добра сядзім!» (1986), «Вярбоўшчык» (1991), «Бедная Саша» (1997) і інш. Выступаў і як рэжысёр.

Фільмаграфія

• (1987) «Чалавек з бульвара Капуцынаў» — правадыр каманчаў
• (1989) «Прыватны дэтэктыў, або Аперацыя «Кааперацыя»» — Георгій Міхайлавіч Пузыроў, бацька Дзмітрыя
• (1992) «На Дэрыбасаўскай добрае надвор’е, або На Брайтан-Біч зноў ідуць дажджы»

Прэміі і ўзнагароды

• Дзяржаўная прэмія Расіі (1998)

Зноскі

1. Bibliothèque nationale de France Spartak Mišulin // data.bnf.fr: платформа адкрытых даных — 2011.
   <a href="https://wikidata.org/wiki/Track:Q19938912"></a><a href="https://wikidata.org/wiki/Track:Q54837"></a><a href="https://wikidata.org/wiki/Track:Q193563"></a>

Літаратура

• Мішулін // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).