Сяргей Ігаравіч Курганскі

Футбол
Сяргей Курганскі
Поўнае імя Сяргей Ігаравіч Курганскі
Нарадзіўся 15 мая 1986(1986-05-15)[1] (38 гадоў)
Грамадзянства  Беларусь
Рост 191 см
Вага 76 кг[2]
Пазіцыя брамнік
Клубная кар’ера[* 1]
2003—2009 Беларусь Нёман (Гродна) 4 (-12)
2007—2008 →  Беларусь Савіт (Магілёў) 19 (-32)
2008 →  Беларусь МТЗ-РІПА (Мінск) 5 (-6)
2009 →  Беларусь Белшына (Бабруйск) 13 (-7)
2010 Беларусь Дынама (Брэст) 1 (-4)
2011 Беларусь Партызан (Мінск) 9 (-6)
2012 Беларусь Дняпро (Магілёў) 14 (-9)
2013 Беларусь Слонім 13 (-10)
2014 Беларусь Ліда 21 (-39)
2015—2022 Беларусь Нёман (Гродна) 113 (-118)
2023 Беларусь Макслайн (Віцебск) 8 (-17)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 3 снежня 2023.

Сяргей Курганскі (нар. 15 мая 1986, Гродна) — беларускі футбаліст, брамнік.

Клубная кар’ера

[правіць | правіць зыходнік]

Выхаванец гродзенскай СДЮШАР-6, пачынаў кар’еру ў дублі мясцовага «Нёмана». У 2005 годзе з’яўляўся ў асноўнай камандзе гродзенцаў, але пазней зноў выступаў толькі за дубль. Улетку 2007 года трапіў у арэнду ў «Савіт» (быў там асноўным брамнікам), правёў у гэтым клубе адзін год. Другую палову 2008 правёў у складзе мінскага МТЗ-РІПА, дзе быў другім брамнікам пасля Аляксандры Сулімы. Некаторы час з-за дыскваліфікацыі Сулімы трапляў у стартавы склад мінчан.

Сезон 2009 правёў у «Белшыне», разам з якой выйграў Першую лігу. У 2010 годзе выступаў за брэсцкае «Дынама», дзе гуляў пераважна за дубль, у асноўнай камандзе правёў толькі адзін матч. З 2011 стаў выступаць у клубах Першай лігі, пры гэтым «Партызану» і «Дняпру» дапамагаў вярнуцца ў Вышэйшую лігу. Першую палову 2013 года знаходзіўся без клуба, пасля чаго стаў іграком «Слоніма». У 2014 годзе быў асноўным брамнікам «Ліды».

У сакавіку 2015 года пасля прагляду падпісаў кантракт з «Нёманам»[3]. Пачынаў сезон 2015 у якасці другога брамніка, але неўзабаве выцесніў Уладзіслава Васілючка і заняў месца ў аснове. У студзені 2016 года падоўжыў кантракт з гродзенцамі[4]. У сезоне 2016 ужо быў трывалым першым брамнікам каманды.

Па заканчэнні сезона ў снежні 2016 года Курганскім цікавілася брэсцкае «Дынама», але ён вырашыў застацца ў Гродна на наступны год[5]. Сезон 2017 распачаў у аснове, аднак у маі выбыў з-за траўмы, і пазней стаў саступаць месца ў складзе Уладзіміру Жураву. У лістападзе 2017 года яшчэ на год падоўжыў кантракт з «Нёманам»[6]. Сезон 2018 пачынаў у якасці асноўнага брамніка, аднак у красавіку атрымаў траўму. У жніўні 2018 года вярнуўся ў строй і зноў атрымаў месца ў аснове.

У снежні 2018 года падпісаў пагадненне з гродзенцамі на сезон 2019[7]. Пачынаў сезон асноўным брамнікам, аднак у ліпені атрымаў траўму, пасля аднаўлення ў верасні стаў заставацца на лаўцы запасных. У снежні 2019 года падоўжыў кантракт з «Нёманам» на два гады[8].

У 2020—2021 гадах не меў трывалага месца ў складзе, чаргаваўся з іншымі брамнікамі, пераважна з Дзмітрыем Дударам. У студзені 2022 года падоўжыў пагадненне з гродзенскім клубам на год[9]. У 2022 годзе правёў толькі тры матчы ў Вышэйшай лізе за клуб.

У пачатку 2023 года з-за забароны Міністэрства спорту і турызму не трапіў у заяўку «Нёмана» на сезон і не ўдзельнічаў у афіцыйных матчах каманды ў 2023 годзе, хоць працягваў трэніравацца з гродзенцамі. У ліпені 2023 года абвясціў пра сыход з клуба[10] і далучыўся да «Макслайна»[11]. У снежні 2023 года пакінуў «Макслайн»[12].

Дасягненні

[правіць | правіць зыходнік]

Грамадзянская пазіцыя

[правіць | правіць зыходнік]

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі[13].

Крыніцы

[правіць | правіць зыходнік]
  1. ↑ Sergey Kurganski // Transfermarkt — 2000. Праверана 9 кастрычніка 2017.
  2. ↑ а б https://www.fcneman.by/by/komanda/main/26.html
  3. ↑ Курганский и Фомин заключили контракты с «Неманом», Каборда покинул клуб (руск.). by.tribuna.com.
  4. ↑ Сергей Курганский продлил контракт с "Неманом" (руск.). football.by (14 студзеня 2016). Праверана 3 снежня 2023.
  5. ↑ Курганский подписал новый контракт с «Неманом» (руск.). by.tribuna.com.
  6. ↑ Журов и Курганский продолжат защищать ворота "Немана" (руск.). football.by (30 лістапада 2017). Праверана 3 снежня 2023.
  7. ↑ Сергей Курганский поставил подпись под новым контрактом с "Неманом" (руск.). football.by (5 снежня 2018). Праверана 3 снежня 2023.
  8. ↑ Сергей Курганский продлил контракт с "Неманом" (руск.). football.by (11 снежня 2019). Праверана 3 снежня 2023.
  9. ↑ "Неман" продлил контракт с вратарем Курганским (руск.). football.by (27 студзеня 2022). Праверана 3 снежня 2023.
  10. ↑ Сергей Курганский покинул "Неман" (руск.). football.by (6 ліпеня 2023). Праверана 3 снежня 2023.
  11. ↑ Жуковский и Курганский после полугодового простоя перешли в "Макслайн" (руск.). football.by (7 ліпеня 2023). Праверана 3 снежня 2023.
  12. ↑ Курганский и Азарко покинули "Макслайн" (руск.). football.by (3 снежня 2023). Праверана 3 снежня 2023.
  13. ↑ 93 беларускія футбалісты выступілі з асуджэннем гвалту ВІДЭА . Наша Ніва (12 верасня 2020). Праверана 3 снежня 2023.

Спасылкі

[правіць | правіць зыходнік]